Seoel

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Oetzich euver Seoel.

Seoel (Koreaans: 서울) is de houfsjtad van Zuud-Korea. De sjtad is meer es 600 jaor aad. Tót 1945 waas ze de houfsjtad van gans Korea. Saer 't óntsjtaon van Zuud-Korea in 1948 is de houfsjtad van det landj, behalve veur 'ne kórten tied tiejes de Koreaanse Krieg.

Seoel bevindj zich in 't naordweste van 't landj aan de euvere van de Han. De sjtad is 't politisch, cultureel, sociaal en ikkenomisch centrum van Zuud-Korea.

Mit óngeveer 9,7 miljoen inweuners op 'n oppervlakde van 605,52 km² is de sjtad Seoel ein van de toets-bevolkde sjtej van de waereld. De ganse agglomeratie Seoel, inclusief Incheon, tèlt zelfs 22,7 miljoen luuj en is daomit nao Tokio, Kanton, Jabotabek (Jakarta) en Sjanghai de grótste sjteielike agglomeratie van de waereld. Róndj de 48% van alle Zuud-Koreane wóntj in de regio Seoel. Meer es ein miljoen veurtuger sjtaon dao geregistreerd.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Seoel&oldid=409266"