Rieksmuseum (Amsterdam)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Rieksmuseum in Amsterdam (officieel: Rijksmuseum Amsterdam) is ein vaan de zèstien nationaol musea in Nederland. De collectie gief 'n euverziech vaan Nederlandse kuns en Nederlandse historie, boe-oonder wèrke vaan 17e-iewse Nederlandse en Vlaomse meisters wie Rembrandt, Vermeer en Hals. Sinds 1885 steit 't museum in 't Rijksmuseumgebouw, oontworpe door de Nederlandse arsjetek Pierre Cuypers.
In 1995 woort 't museum oonaofhaankelek. Veurheer waor 't 'n nationaol museum mèt ambtenere, mer sinds 1995 woort 't museum beheerd door de stiechting vaan 't Rieksmuseum (Stichting het Rijksmuseum), mèt 't gebouw en 'n deil vaan de collectie noe eigendom vaan de Nederlandse regering.
't Rieksmuseumgebouw, mèt mie es 80 galerieë, lègk tösse Stadhouderskade en Museumplein in Amsterdam-Zuid. Aon de kant vaan 't Museumplein bevint ziech de Zuidvleugel, boe tijelek tentoenstellinge weure gehawwe en besteit oet het Fragmentenbouw en de Druckeruitbouw. In de hove bevint ziech het Ingangsgebouw, de teikensjaol en de woenplaots van de veurmalige directeur, noe 't kantoer vaan de curators. Aon de aandere kant vaan de Hobbemastraat ligke de directeursvilla en 't ateliergeboew, boe de oonderzeuks- en restauratieaofdeiling gehojs is.