Bursa
(Doorverweze van Prusa)
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De bursa is e liturgisch veurwirp det wuuertj gebroek inne Hèlge Mès.
't Besteit oet twieë kartunkes, bespanne mit textiel, wotösse de corporale wuuertj bewaardj, zowaal veur es nao 't broeke daovan inne eucharistieviering. Bursa's zeen döks oetgeveurdj inne zelvendje stof wie 't kezuvel ('t baovekleid vanne pestoear). Inne midde vanne bäövelste kartón is meistes e kruuts geborduurdj gewaore.
Bursa, corporale, palla, purificatorium en kelchvelum vörme same 't kelchgerei.
Saeren twieëdje biljerstorm wuuertj in Nederlandj de bursa, juus wie 't kelchvelum, döks eweggelaote.