Provinciale waeg 278

Van Wikipedia
Naar navigatie springen Naar zoeken springen
Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Gulpesj, es te dit dialek sjpriks.

NLD-N278.svg
D'r N278 bei Wilder

D'r provinciale weëg 278 is 'n verkiersweëg mit 'n lingde va ruum 30 kilomeëter in 't zude van de Nederlandse provincie Limburg, deë Mesjtreech, via Gulpe en Vols mit de Duutsje sjtad Oake verbingk. Va wes noa oeës lupt d'r weëg durch de plaatsje Mesjtreech, Hier, Keer, Mergroate, Gulpe, Wilder, Nieswieler, Lemieësj en Vols.

Gesjichde[bewirk | brón bewèrke]

't Tracé van d'r N278 lupt parallel aan en gediltelig same mit dat van d'r Aode Oakerweëg, 'n heërbaan oet d'r Romeinse tied. Dizze weëg woeëd waarsjienlig al vuur't ing van 't Ancien Régime vervange durch 'ne beëtere en langere weëg via Valkeberg en Heële en in 1779 verhad. In 1823 begós d'r aalek van d'r nuie rieksweëg tussje Margroate en Gulpe. Tussje 1826 en 1828 vóng de besjtroating plaatsj.

Vuurdat get noardeliger de A79 woeëd aangelag, woar d'r weëg gepland es A78. 't Autobaantracé zou óngevier 'tzelfde trajek es d'r N278 volge. Dit projek hat evvel ginne durchgank gevónge. Ópmerkelig is 't vuurmalige klieëblaadknooppunt Europaplein, aagezieë knooppunte mieëtstes vuurkómme óp plaatsje oeë 'ne sjnelweëg inne angere sjnelweëg of 'ne autoweëg krütst. In 't kader van d'r boew van d'r Kuëning Willem-Alexandertunnel, deë óp 16 december 2016 woeëd geöapend, is dit knooppunt umgeboewd gewoare.

Besjrieving[bewirk | brón bewèrke]

D'r N278 is inne van de wieënige N-weëg i Nederlank deë tussje twieë lanksgrenze lupt. Heë begint aa g'n grens mit 't Belsj, aa g'n wesgrens va Mesjtreech. Aa g'ne Belsje kank geet d'r N79 wieër noa Tóngere. D'r N278 is hei 'ne sjtadsweëg durch 't zude va Mesjtreech. Hei uëversjpant de Kennedybruk de Maas, oeënoa 't ouw Europaplein volg, de aasjleting mit de A2 noa Luuk en Eindhove. Oeësteliger lupt d'r N278 durch 't oeëste van de sjtad en vervolges durch versjillende dörper in 't Zuud-Limburgse huëvellank. Bei Mergroate lupt d'r weëg langs d'r Amerikaanse kirkhof en ten oeëste van dat dörp kin me via d'r N598 aafsjloa noa Norbik en Aubel. Óch kint d'r weëg 'n aantal klumsjtroake bei De Hut, tussje Gulpe en 't Plateau va Mergroate. Bei Nieswieler indig d'r N281, oeënoa d'r N278 parallel aa g'n grens mit Dütsjlank noa Vols lupt. D'r weëg geet vervolges durch 't dörpscentrum, oeënoa aa Dütsje zie de B1 wieër durch Oake geet.

Trajekuëverzich[bewirk | brón bewèrke]

punt in trajek aasjleting
EU-Icon.svg Flag of Belgium.svg N79
AS-skrzyzowanie-icon.svg Mesjtreech-Campagne
AS-skrzyzowanie-icon.svg Mesjtreech-Biesland
AS-skrzyzowanie-icon.svg Mesjtreech-Mariaberg
AS-rondo-icon.svg Mesjtreech-Tóngerseplein
AS-skrzyzowanie-icon.svg Mesjtreech-Villapark
Nederlands verkeersbord G3 zb.svg
AB-AS.svg Mesjtreech-Maasboulevard
AB-Fluss.svg John F. Kennedybruk Maas
AB-AS.svg Mesjtreech-Limburglaan
Logo toerit.svg Aasjleting Mesjtreech-Centrum Zuud A2/N2
AB-AS.svg Mesjtreech-Sjaan
Nederlands verkeersbord G4.svg
AS-skrzyzowanie-icon.svg Mesjtreech-Hier
AS-skrzyzowanie-icon.svg Mesjtreech-Hier-Oeës
AS-rondo-icon.svg Keer
AS-skrzyzowanie-icon.svg Mergroate
AS-skrzyzowanie-icon.svg N598
AS-skrzyzowanie-icon.svg N595 / Partei
AS-skrzyzowanie-icon.svg Wilder
AS-skrzyzowanie-icon.svg Nieswieler
AS-rondo-icon.svg N281
AS-skrzyzowanie-icon.svg Lemieësj
AS-rondo-icon.svg Vols
EU-Icon.svg Flag of Germany.svg B1

Fotogalerie[bewirk | brón bewèrke]

't Bezieë weëd[bewirk | brón bewèrke]

Langs d'r weëg ligke 'n aantal rieksmónnemente oeë-ónger kesjtieële, kirke, kloeëstere en mónnementaal höaf. E bezónger mónnement is d'r kirkhof i Mergroate. Officieel heesj e Netherlands American Cemetery and Memorial.

Commons
In de categorie Provinciale weg 278 van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Provinciale_waeg_278&oldid=434783"