Priorie Regina Pacis
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Priorie Regina Pacis ies e kloaster, gelaege aan d'n Oud-Valkebergerwaeg tösje Valkeberg en Oud-Valkeberg. 't Opvallend wiet en sober ingeriechde kloaster woort in 1958 geboewd veur de Benedictinesse van 't Heilig Sacrament. Umdat de zustersj mèt de jaore ouwer woorte en gein nuuj novices miè d'rbie kaome, woorte in 2008 twiè Argentiense zustersj Dienaresse van d'n Hièr en de Maag van Matará in 't kloaster opgenome. Dees nuuj orde zal oeteindelik 't kloaster in sjtand houte en euverlaeve onder de naam Contemplatief Kloaster "Ecce Homo".
Momenteel haet 't kloaster zès benedictinesse en neuge dienaresse.
