Pirahã (taol)

Van Wikipedia
(Doorverweze van Pirahã (sjpraok))

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't Pirahã, ouch wel Mura-Pirahã, is 'n inheimse taol in de staot Amazonas in Brazilië. Ze weurt gesproke door de naoventrint 300 leie vaan de gelieknaomege stam, die verspreid euver ach dörper aon de revier de Maici woene. 't Is vaanajds e dialek vaan 't Mura, meh umtot de aander Mura-stamme hun taol höbbe laote valle zien Mura en Pirahã in de praktijk synonieme gewore. Ouch 't meugelek verwant Matanawi is oetgestorve en te slech bekind veur 't mèt zekerheid aon 't Pirahã te binde.

't Aontal taolkundege wat oersprunkelek oonderzeuk nao de taol heet gedoon is klein, umtot 't volk lesteg te bereike is en de taol ouch neet gemekelek vèlt te liere. Die paar die 't höbbe gedoon, höbbe aon de taol 'n paar oetzunderleke eigesjappe touwgesjreve, wie 'n extreem klein aontal foneme, 't gans oontbreke vaan getalle en 't oontbreke vaan wäörd veur verwante en kleure. Die lèste eigesjappe zouwe verband hawwe mèt hun cultuur en zoedoende de Sapir-Whorfhypothees oondersteune. Dees beweringe zien in de taolkundege gemeinsjap controversieel oontvaange.

De taol weurt neet acuut bedreig, umtot de Pirahã oonderein ummer hun eige taol spreke en hoegoet get rudimentair Portugees kinne.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pirahã_(taol)&oldid=446138"