Petr Pavel

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Petr Pavel (gebore op 1 november 1961 in Planá) is ‘ne Tsjechische politicus en gepensioneerde ginneraol dee op 28 jannewarie 2023 woort verkoze tot prizzedent vaan Tsjechië. Ieder waor heer vaan 2015 tot 2018 veurzitter vaan ‘t Militair Comité vaan de NAVO en vaan 2012 tot 2015 stafchef vaan de Tsjechische gewapende strijdkrachte. Heer woort ingezweerd es prizzedent op 9 miert 2023.

Pavel besjrijf zien politieke standpunt es "rechs vaan 't centrum", meh weurt soms ouch es progressief besjouwd op sociaol kwesties. Heer pleit veur homohouweleke en militaire steun veur Oekraïne in de Oorlog in Oekraïne.

In de presidentiëel verkezinge vaan jannewarie 2023 versloog Pavel ziene tegestander Andrej Babiš in de twiede ronde. Pavel kreeg 58% vaan de stemme, wijl Babiš neet mie es 42% kreeg. De opkoms waor oongeveer 70%, e record veur 'n presidentiëel verkezing in 't land. Mèt de euverwinning vaan Pavel kees Tsjechië veur ‘ne pro-westerse baon.

't Prizzedentssjap in Tsjechië is groetdeils ceremonieel, al kin de prizzedent wel sommege beslissinge vetoë. De meiste mach ligk bij de Premier, dee daan ouch naomes Tsjechië nao d'n Europese Raod geit.