Peettant

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Peettant, paettant of paat, in 't Nederlands meter, ies bie de Katholieke de duipmoder van 'ne baby, dae geduip weurt. Zie deit same mèt de peetnónk de duipbelofte, die inhèlt dat zie alle koad zölle aafwieze en troew aan 't Katholiek gelouf. Same mèt de peetnónk sjteit ze names de kèrkgemeinsjap borg veur d'n duip en 't vormsel. Same zint ze de getuge bie d'n duip en sjpreke names de duipeling. Zie bekieke ouch of 't kind later volges de kèrkelike reigelsj laef. Ein van de duipname van 't kind ies van de paat.

De Nederlandse naam meter ies aafgeleid van 't Latiens woord mater (moder). 't Gebruuk van peettant es duipmoder besjteit saer de 4e ièw. 'n Peettant waor vreuger meistal ein echte tant van de duipeling, meh 't kèn sjuus zoa good 'n oma, zuuster of niesje zin. Ouch weurt, veural in later jaore es de familie kleiner ies gewore, 'n vriendin van de ouwersj gekoze.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Peettant&oldid=47686"