Paul & Leo

Van Wikipedia
Naar navigatie springen Naar zoeken springen
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Heëlesj, as te dit dialek sjpriks.

Paul & Leo ies 'n zangduo oet Heerle, dat zink in 't Heëlesj plat. 't Duo besjteit oet Paul Münstermann en Leo Keularts. In 2004 höbbe ze 't Limburgs Vastelaovesleedjes Konkoer (LVK) gewónne mèt Twieëmoal aafgezeëg (en nog te kót). Zie wónne ouch zès kièr 't Heëlesj Sjlagerkonkoer van de Winkbülle en zint in 2008 door de burgemeister van Heerle beneump tot Ambassadeurs van de Heëlesje Vasteloavend. Paul en Leo sjrieve same de tekste van hun leedsjes; de muziek weurt gesjreve door Paul.

Paul en Leo zinge same sins 1985. Zie wèrkde twiè kièr mèt aan de Waolse Medammecour. In 2001 woorte ze mèt hun leedsje D'r Loemelekrieëmer derde in de finale van 't LVK. Dit ies nog ummer ein van hun bekèndste nummersj.

In 2004 wónne ze 't LVK. In datzelfde jaor sjreve ze same mèt Frits Pelt en Ben Erkens 't Heëlesj vólksleed.

In 2005, 2007 en 2009 kaome ze in de LVK-finale mèt respectievelik 't Limburgs Kwarteerke, Mit Gaffel, Sjup en Sjoefel en Hang de vaan oet!.

In 2009 maakde Paul & Leo 'ne eige vastelaovesrevue, Hinge gen Hergod’s vót, dae woort opgeveurd in 't Theater Lexor in Heerle.

Discografie[bewirk | brón bewèrke]

  • D'r loemelekrieëmer / Hinge gen Hergod's vot (single, 2001)
  • Doebele boam (album, 2002)
  • Vuur te klauwe (album, 2007)

Extern links en brónne[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Paul_%26_Leo&oldid=226709"