Paschal Donohoe

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Paschal Donohoe (gebore op 19 september 1974) is ‘ne Ierse polletieker vaan de christendemocratische polletieke partij Fine Gael, dee sinds juli 2020 president vaan de Eurogróp en sinds jannewarie 2025 Ierland zien minister veur Financiës is, en daoveur in datzelfde ministersjap vaan 2017 tot 2022. Heer is sinds 2011 ‘ne Teachta Dála (TD), ofwel Parlemintariër, veur ‘t Dublin Central kiesdistrik en sinds juli 2020 president vaan de Eurogróp. Heer waor vaan 2022 tot 2025 minister vaan publiek oetgaoves en de lievering en hervörming vaan ‘t nationaol oontwikkelingsplan, vaan 2016 tot 2020 minister vaan publieke oetgaoves en hervörming, en, vaan 2014 tot 2016 minsiter vaan transport, toerisme en sport en minister vaan staot veur Europese zakes vaan 2013 tot 2014.

Es veurzitter vaan de Eurogróp is heer ouch eine vaan de leiinggevende vaan Europees Stabiliteitsmechanisme, wat in 't leve is gerope um 'n touwkomstege Europese staotssjöldecrisis tege te hawwe.

Donohoe zien partij Fine Gael is vaanajds christendemocratisch en is daomèt deil vaan de centrumrechse Europese Volkspartij (EVP), boe-ouch partije vaanoet o.a. Nederland, wie 't CDA en de ChristenUnie, vaanoet Belsj, wie de CD&V en Les Engagés, en vaanoet Duitsland, wie de CDU en CSU, lid vaan zien.