Paries-Dakar

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.



Carlos Sainz in actie mit Volkswage in 2011

De Dakar-rally is eine rally veur auto's, vrachwages en motors dae jaorliks weurdj gehaaje in'ne maondj jannewarie. De rally weurdj veur 't grotste deil gereeje door de Noord-Afrikaanse woestijn. De rally sjtuitj ouch bekindj onger ziene aaje naam Paries-Dakar.

Parcours[bewirk | brón bewèrke]

Euverzich van lenj wo de rally doorhaer is gewaestj. Lenj die
oranje gekleurdj zeen, is tiedes eine Dakar-rally doorgereeje.

De naam verwiestj nao de Senegalese hoofsjtad Dakar, die eeder jaor aangedaon weurdj, meistal es finishplaats. Oorsjpronkelik veurdje de rally van'ne Franse hoofsjtad Paries nao Dakar, en hédje daorom Paries-Dakar. In 1994 ging de rally van Paries nao Dakar en weer trök, waat zoväöl klachte euver de rally in Frankriek veroorzaakdje det besjlaote waerdje neet meer door Frankriek te rieje. Hiejdoor waerdj de route vanaaf 1995 gevarieerdj. Zo waas Granada de sjtartplaats in 1995, 1996 en 1999, Arras in 2002, en Clermont-Ferrand in 2004. In 2000 begos de rally helemaol neet in Europa, maar leep hae van Dakar nao Caïro. In 2004 waas de aankomsplaats weer Dakar. In de jaore 2006 en 2007 is Lissabon de sjtartplaats. De afgelasdje edisie 2008 zoew ouch in Lissabon gesjtart zeen.

Gesjiedenis[bewirk | brón bewèrke]

De eerste edisie waerdje verreeje in 1978. De drievendje krach achter de rally waas de Fransman Thierry Sabine dae 't jaor daoveur waas verdwaaldj in'ne Libische woestijn tiedes de Abidjan-Nice rally. Vanaaf det moment sjteldje hae zich toet doel eederein de kans te gaeve "de woestijn te temme".

1978[bewirk | brón bewèrke]

Op 26 december 1978 zoog Thierry Sabine ziene druim oetkomme, toen de eerste Paries-Dakar stardje vanaaf de Place du Trocadéro in Paries. 170 deilnummers sjtardje aan ein avontuur dat häör veurdje euver 10.000 km door Algerije, Niger, Mali, Opper-Volta en Senegal.

De rally eindigdje aan'ne randj van 't Lac Rose (= Lac Retba) op 25 km van Dakar. De eerste winnaar biej de auto's waas Alain Génestier mit copiloot Joseph Terbiaut. De eerste winnaar op'pe motor waas de dan 21-jarige Cyril Neveu, riejendj op eine Yamaha XT 500. 't waas veur hem de eerste van ein groot aantal euverwinninge. Deze eerste Paries-Dakar verangerde 't laeve van eederein dae d'rbiej betrokke waas.

1986[bewirk | brón bewèrke]

Thierry Sabine overleej biej eine helikoptercrash op 14 jannewarie 1986 tiedes ein van'ne klassementsproove.

2005[bewirk | brón bewèrke]

In 2005 waerdje de rally veur de 27e keer gehaaje. De sjtart vonj plaats op 1 jannewarie in Barcelona. Tiedes de rally overleej de Sjpaanse motorriejer José Manuel Pérez op 10 januari in ein ziekehoes, nao ein ongelök op 6 jannewarie. Eine daag later overleej ziene Italiaanse collega Fabrizio Meoni aan eine hertsjtilsjtandj. Hae waas de 22e deilnummer dae euverleej tiedes de rally. Op 16 januari finishdje Cyril Despres es eerste motorriejer; Stéphane Peterhansel es eerste biej de personewages, en Firdaus Kabirov es eerste trucker.

2006[bewirk | brón bewèrke]

Betrach Dakar-rally 2006 veur 't hoofartikel euver dit óngerwerp.

De Dakar-rally 2006 waerdje gehaaje van 31 december 2005 toet en mit 15 jannewarie 2006. De race stardje in Lissabon en eindigdje in Dakar.

Op 9 jannewarie, tiedes de 9e etappe overleej motorcoureur Andy Caldecott aan'ne gevolge van eine nekbreuk naodet hae hel waas gevalle. Caldecott dae de derde etappe won en op det moment zesdje sjtong in 't algemein klassement, waas op sjlaag dood.

2007[bewirk | brón bewèrke]

De Dakar-rally 2007 waerdje gehaaje van 6 jannewarie toet 21 jannewarie 2007. De race stardje in Lissabon en eindigdje in Dakar.

  • Veur de edisie 2007 waerdje bekindj gemaaktj det motorcoureur Frans Verhoeven de besjikking kriegtj euver eine fabrieksmotor van'ne Oosteriekse constructeur KTM.
  • A.S.O., de rallyorganisasie, maakdje bekindj de regels veur trucks mekkelikker te maake. Dit zal neet veur de edisie 2007 ingaon, maar A.S.O. haetj in saamewerking mit DAF besjlaote de trucks te homologeren es Ginaf-trucks. Daomit sjtuitj ein deilname van team De Rooy vas.
  • D'r kumptj ein nuuj Nederlands team biej, es ze door de organisatie waere ingelaotj. 't Team Vink zal mit doon mit eine ex-Belsje Ginaf rally truck, dae in grote liene euvereinkumptj mit dae van 't Ginaf Rally Power-team. Ouch 't Team Leeuw Renault is eine nuuje deilnummer, ziej doon mit mit eine Renault.
  • Autocoureur Tim Coronel zal in 2007 veur 't eers mitdoon aan'ne Dakar rally, Tim Coronel zal saame mit zien vriendin Gaby Uljee (navigator) de woestijn trotsere in eine Bowler Wildcat van Team Dakarsjport.
  • Op dinsdaag 9 jannewarie 2007 overleej de 29-jaorige Zuid-Afrikaan Elmer Symons aan'ne gevolge van eine val mit de motor op kilomaeter 142 van'ne sjpecial (klassementsproof).
  • Op zaoterdaag 20 jannewarie 2007 overleej Eric Abijoux nao de finish in'ne veurletste rit aan'ne gevolge van ein beroerte.
  • Op zondaag 21 jannewarie 2007 waerdje Hans Stacey winnaar biej de trucks van'ne Dakar-rally. 't Waas veur 't eers in 20 jaor det d'r weer eine Nederlenjer op'pe hoogste traej sjtong in Dakar.

2008[bewirk | brón bewèrke]

De Dakar-rally 2008 waerdje eine daag veur de sjtart afgelasj. De rally waas geplandj van 5 jannewarie toet 20 jannewarie 2008 en mos gereeje waere tösse Lissabon en Dakar euver 9273 km. Op 4 jannewarie meldje de organisasie det de wedsjtried waerdje afgelasj omdet d'r bedreiginge waare taege de Dakar-rally.

Door de afgelasdje Dakar-rally 2008 waerdje daorom de Dakar Series vervreugdj in 't laeve geroope.

2009[bewirk | brón bewèrke]

De Dakar-rally 2009 sjtartj op 3 jannewarie 2009 in Buenos Aires - Argentinië, en finishtj ouch weer in dees sjtad op 18 jannewarie 2009. De rally zal 9000 km zeen worvan 6000 km sjpecial stages. De route lúptj door de Andes, Atacama, Pampa en de zoutmaere van Noord-Argentinië. De rösdaag vindj plaats in Valparaiso in Chili. In Argentinië waere 9 etappes verreeje en in Chili 5 etappes.

2010[bewirk | brón bewèrke]

De route van de Dakar 2010

De Dakar-rally 2010 waas de 31ste edisie van'ne rally. De rally weurdj veur de tweede keer verreje in Argentinië en Chili. Tiedes dees edisie reje de motors veur de eerste keer in'ne gesjiedenis ein anger route es de auto's en vrachwages. De organisatie waas in'ne henj van'ne Franse A.S.O. Winnaars ware Cyril Despres (motors), Marcos Patronelli (quads), Carlos Sainz (auto's) en Vladimir Tsjagin (vrachwages).

2011[bewirk | brón bewèrke]

De Dakar-rally 2011, veur 't derde jaor achterein ware Argentinië en Chili 't decor veur de rally. Biej de motors ging de euverwinning nao Marc Coma op ziene KTM. Nasser Al-Attiyah waas mit Volkswage de sjnelste in 't auto-klassement. 't vrachwageklassement waerdje opnuuj gewonne door Vladimir Tsjagin in eine Kamaz.

Taegesjtandj[bewirk | brón bewèrke]

't Enorm geldjmasjien van'ne rally sjtuitj in fel contras mit 't erme Afrika, wodoor de rally väöl taegesjtandj kreeg. Om de rally in ein baeter daagleech te sjtelle, waerdje leefdadigheidsprojecte in 't laeve geroope zowie waterpompe veur de Sahel. Ouch in kleiner projecte zowie de boew van ein kraamkliniek in'ne buurt van de Lac Rose.

Deilnummers[bewirk | brón bewèrke]

Nederlandse deilnummers door de jaore haer[bewirk | brón bewèrke]

Anne Kies, Hans Bekx, Marcel van Vliet, Pier Blom, Gerard Jimmink, Bert Oosterbosch, Jan de Rooy, Gerard de Rooy, Hans Stacey, Erik Verhoef, Patrick van Lee, Henk Knuiman, Frans Verhoeven, Daniël Willemsen, Herman Hutten, Winston Post, Peter R. de Vries, Bart Franssen, Tonnie van Deijne, Wouter Rosegaar, Bob ten Harkel, Chris Leyds, Tim Coronel, Rick Aarts, Wuf van Ginkel, Michel de Groot, Johan van der Laan, Marcel Schoo, Gerard List, Kees Tijsterman, Ed von Jessen, Willem ten Barge, Tim Bouman, John Niemeijer, Raoul Jacobs, Jean Pierre Jacobs

Belsje deilnummers door de jaore haer[bewirk | brón bewèrke]

Grégoire de Mévius, Hugo Duisters, Rudy Goeminne, Charly Gotlib, Stéphane Henrard, Jacky Ickx, Jacky Loomans, Gaston Rahier, Joël Smets, Gella Vandecaveye, Koen Wauters, Tom Berrevoets.

Extern links[bewirk | brón bewèrke]

Commons
Commons
In de categorie Paris Dakar Rally van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Paries-Dakar&oldid=395044"