Omnivoor

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'nen Omnivoor (Letien: omnis, "eder"; -vorus, "aetendj, aeter") of alaeter is e deer det zowaal plantjaerdig es deerlik voor kan aeten óm te euverlaeve.

'n Euverwaegendj carnivoor bieës det minstes 5% plantjaerdig voor èt of 'n euverwaegendj herbivoor deer det minstes 5% deerlik voor èt neump me omnivoor. Organisme die doead organisch (plantjaerdig of deerlik) matterjaal consumere waere detrivoor of detritivoor geneump. Dees zówwen ouch omnivoor kónne waere geneump, ómdet ze zowaal plantjaerdig es deerlik voor consumere.

't Dieet is bie 'nen omnivoor aafhenkelik van waat op det memènt besjikbaar is en kan alderlei plantjaerdige en deerlike perdukten ómvatte. Zuver herbivoren en carnivore höbbe sómtieds gespecialiseerdje aanpassinge van 't lief. Herbivore höbbe meistes e lank dermkanaal mit versjillige magen en herkawwe döks 't voor mit maolbaktenj. Carnivore höbben 'ne kórten derm, lang hooktenj en knipbaktenj die gesjik zeen veur 't aafbiete van vleis. De sjeidsliene tösse carnivoren en herbivore zeen neet sjerp: 'n kat èt waal 'ns plantjen en 'n koe krieg ouch insekte binne mit 't graas.