Nieldelta

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Nieldelta (brón: NASA).

De Nieldelta (Arabisch: دلتا النيل) is de hieël groeate mónjing vanne reveer de Niel in 't naorde van Egypte. De gróndj vanne Nieldelta is al mieër es viefdoezjendj jaor hieël vröchbaar en ónger anger daodoor riek aan archeologische bezeenwaerdigheje vanne aaj Egyptische cultuur.

De wèstelike houfaaftakking vanne Niel, die in naordwèstelike richtinge inne Middellandjse Zieë oetkump bie Rosetta, hètj de Rosetta-aaftakking. De oeastelike houfaaftakking die in naordoeastelike richting inne Middellandjse Zieë oetkump, hètj de Damietta-aaftakking. Dees móndj oet inne zieë bieje plaats Damietta.

Ane naordkantj vanne Nieldelta ligk 'n aantaal aan maere: in 't naordwèste bie Alexandrië 't Mayroet-maer en 't Idkoe-maer, in 't naorde 't lankgerekdje Boeroelloes-maer en in 't naordoeaste bie Damietta 't Manzala-maer.

Ane zuudpuntj vanne Nieldelta ligke Caïro en Gizeh. De Nieldelta is óngevieër 24.000 km² groeat.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nieldelta&oldid=421258"