Naar inhoud springen

Nicolas Sarkozy

Van Wikipedia
Nicolas Sarkozy in 2008

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Nicolas Sarközy de Nagy-Bocsad, bekind es Nicolas Sarkozy (Nikola Sarkozie), gebore op 28 jannewarie 1955 in Paries, is ‘ne Franse staotsmaan. Heer waor president vaan de Franse Rippebliek vaan 16 mei 2007 tot 15 mei 2012. Sarkozy is vaan Hóngaorse komaof. Heer is lid vaan de Rippebliekeine (Les Republicains), die op EU-niveau deil oetmake vaan de centrumrechse Europese Volkspartij (wie ouch, oonder aandere, 't CDA, CD&V en CDU).

Nicolas Sarkozy deeg mèt aon de presidentsverkezinge vaan 2007, wie Jacques Chirac zien twie termiene had gehad ('t maximum volges de Franse wèt). Naotot heer in 2007 tot president vaan de Franse Republiek verkoze waor mit 53,1% vaan de stemme tege de sociaoldemocraot Ségolène Royal, maakde heer ‘n klaor rupture in polletieke stijl en communicatie in vergelieking mit zien veurgengers. Heer heet versjèllende geveulege hervörminge aongenomme, boe-oonder die vaan universiteite in 2007 en pensioene in 2010. Zie mandaot woort ouch gekenmèrk door de invlood vaan belangrieke internationaol gebäörtenisse wie de wereldwij ikkenomische crisis vaan 2008 en de sjöldecrisis in de Eurozone. Es kandidaot veur herverkezinge in 2012, wijl heer ‘t hart waor vaan dverdachtinge vaan illegaol financiering vaan zien verkeezingscampagne in 2007 door Liliane Bettencourt en de Libische regering, behaolde heer 48,4% vaan de stumme in de twiede roonde, en verloor tege de sociaoldemocraot François Hollande.

In 2023, in de Sarkozy-Azibert-affaire, woort heer op appel veroordeild tot drei jaor gevaangenisstraof, boe-oonder ei jaor gevangenisstraof mèt hoesarres mèt elektronische beugel, veur corruptie en belangeconflicte. Op 18 december 2024 woort ‘t oordeel bevesteg door de Hof vaan Cassatie. In de Bygmalion-affaire woort heer in appel in 2024 veroerdeild tot e jaor in de gevangenis, boevaan zes maond vas stoonde, veur illegaol financiering vaan zien verkezingscampagne in 2012. In de Sarkozy-Kadhafi-affaire weurt heer besjöldeg d'r vaan te zien gecorrumpeerd door de veurmaolege Libischen dictator, Moammar al-Qadhafi, in ruil veur illegaol financiering vaan zien verkiezingscampagne.

Zuug ouch

[bewirk | brón bewèrke]
  • Corresponderend artikel oet de Franstaolege Wikipedia
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nicolas_Sarkozy&oldid=481922"