Muziekgieterij

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Muziekgieterij is e poppodium in Mestreech. Sinds 2013 zit 't in 't Tummerfebrik aon de Boschstraot.

Historie

De Muziekgieterij is nog neet bezunder aajd. 't Podium woort in 2004 opgeriech door Jan Sluijsmans en Wim Smeets. 'n Eige gebouw had 't toen nog neet; pas in 2006 trok me in de aw L1-studio's aon de Bankastraot in Mariaberg. Wie 't podium evels e succes woort, begós de buurt geluids- en parkeereuverlas te kriege. Daorum mós me op zeuk nao 'n nui locatie. Ein optie waor de Platte Zaol; ouch nao d'n awwe Sphinx woort gekeke. Oetindelek góng me in 2013 veur de huiege locatie in 't Tummerfebrik, wat tösse 2017 en 2019 good verbouwd woort. Heibij woort oonder mie de aw tramremise in de nuibouw betrokke. Me mós hei veurziechteg te werk goon, want 't Tummerfebrik is e rieksmonumint.

In 2014 stapde 't stiechtingsbestuur vaan de Muziekgieterij op nao e conflik mèt Smeets. Toen trooj e nui bestuur aon mèt Jan Mans, Stijn Huijts (vaan 't Bonnefantemuseum) en amteneer Tom Schulpen.

Positie

De Muziekgieterij heet ziech in twinteg jaor opgewèrk tot eint vaan de groetste cultuurpodia vaan Limburg. Boe vreuger Volt in Zitterd en De Nieuwe Nor in Heerle 't regionaol clubcircuit dommeneerde, heet de Muziekgieterij ziech dao zeker neve gestèld.

't Gebouw kint twie zaole. In de groete zaol goon 1100 maander, in de klein zaol 420.

't Podium is eigedom vaan de gemeinte Mestreech, die 't structureel subsidie geuf. Commercieel partners zien oonder mie Vodafone.

Bron

Dit artikel is gebaseerd op 't corresponderend Nederlandstaoleg artikel, en wel in dees versie.

Extern links

Officieel site