Minster

Van Wikipedia
(Doorverweze van Munsterbilze)
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Minsters, es te dit dialek sjpriks.

Slevrouwetenhiemelopnummingskèrk in Minster.

Minster (Nederlands: Munsterbilzen) is e dörp in de provincie Belsj Limbörg en 'n deilgemeinte vaan de stad Bilze. Minster ligk zoe'n twie kilometer noordelek vaan Bilze-stad en heet (1 jannewarie 2006) 4.433 inwoeners en 'n oppervlaakde vaan 6,04 km².

Historie[bewirk | brón bewèrke]

Minster oontlient ziene naom aon de abdij die hei mie es doezend jaor gevesteg waor. Ze stamp nog oet d'n tied vaan de Merovingers, ind zevenden iew. In 881 verweusde de Noormanne dees abdij. Oetgebreide sjinkinge kraog 't kloester vaan Ida vaan Verdun: zij gaof in 1096 geujer in Bilze, Riems, Willer, Lin, Gellik, Ieëgebilze en Rèkkeve in lien, es daank umtot ze hei waor opgetrokke. Wijer bezaot de abdis hierleke rechte euver Wille, Haccourt, Hallembaye en Kleine-Spaan. Wijer is de abdij bekind gewore door 'n aontal Aajdnederlandse handsjrifte (wie de Wachtendonckse psalme), die oonder mie leech werpe op de historie vaan 't Limbörgs. Oonder 't Frans rezjiem mós de abdij häör geujer verkoupe. Minster blaof 'n zelfstendege gemeinte tot 1977, wie 't bij Bilze woort ingelief.

Bron[bewirk | brón bewèrke]

Veur dit artikel is, neve 't corresponderend Nederlandstaoleg artikel, ouch gebruuk gemaak vaan nl:Abdij van Munsterbilzen.

 
Gemeinte Bilze
Vaan van Bilze
Deilgemeintes, dörper en gehuchte: Bilze · Bjöves · Groeëte-Spaan · Hees · Hùlbek · Ieëgebilze · Kleine-Spaan · Lin · Minster · Móppertinge · Rèkkeve · Rosmeer · Willer
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Minster&oldid=408939"