Mia aioniotita kai mia mera

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Mia aioniotita kai mia mera of Μια Αιωνιότητα και Μια Μέρα (Limbörgs: Iewegheid en 'nen daag, gengbaore titel in Europese cinema: Ternity and a Day) is 'ne Griekse dramafilm vaan de filmrezjiseur Theodoros Angelopoulos, oet 1998. De film is veurnaomelek Fraans gesproke. Ouch gief 't Italiaons en Nuigrieks. De groetste rolle weure gespäöld door de aktäörs Bruno Ganz, Isabelle Renauld en Achileas Skevis. De keuze vaan Angelopoulos um de film in 't Fraans op te numme had twie groete reijes: Ten ierste had heer Ganz en Renauld es hoofrolle in ziene kop. Oondaanks Ganz oet Duitsland kump, spreek heer good Fraans. Ze spreke evels beije gein woord Grieks. De twiede reije waor vaanwege financiële reijes. Heer wis tot heer mie Europeane nao de zaol zaw kinne trèkke, es de film neet in 't Grieks, mer in 'ne mie Wes-Europesen taol zaw weure gesproke. Wel höbbe de aktäörs 'n rollende r aongelierd, zoetot ze mèt 'n Grieks accent lieke te praote.

Verhaol[bewirk | brón bewèrke]

Alexandros is 'ne awe sjriever dee terminaol kraank is. De film besleit d'n daag veur heer opgenómme deent te weure. 'r Twijfelt aon zie leve, wie 'r mèt zien vrun is umgegaange, en of 'r ziech überhaup geer wèl laote opnumme. Same mèt 'ne 10-jaorige Albenese vlöchteling maak 'r zien lètste reis. Op zeuk nao 't woer geluk leid dees reis häöm door 't allewijl Griekeland en door rappeleringe aon 'ne zomersen daag.