Meuleraad van 't kloaster Redemptoriste

Van Wikipedia
Naar navigatie springen Naar zoeken springen
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Wittems, as te dit dialek sjpriks.

’t Meuleraad van ’t Redemptoristekloaster in Wittem

.

't Meuleraad van 't Kloaster Redemptoriste is 'n waterraad dat zich in 'n gebuuwke in de tuin achter 't kloastergeboew bevundj van 't geneumde Redemptoristekloaster in Wittem. Dit waterraad deende veur de aandrieving van 'n waterpómp veur 't völle van watertanks, die (vreuger) woorte gebroek veur de waterveurzening in 't kloaster. Dit gebeurde tot in de jaore 1990 toen ’t kloaster op de waterleiding woort aangesjlaote.

't Kloaster is róndj 1730 geboewd door paters Kapucijnen en geliektiedig is ouch de ziejtak van de Selzerbeek aangelag veur 't ómleije van baekwater. Aanvankelik waas de baek achter 't kloaster nog aope, mèr allewiel is löp dees door 'ne gewelfde gemetselde tunnel dae kort nao of tiedes de boew van de 500 maeter wiejer gelaege Wittemermeule is aangelag. Dees meule is kort nao 1836 geboewd in de tied dat de Redemptoriste zich in 't kloaster vestigde. De eigedomsrechte op de Selzerbaek die door de kloastertuin sjtruimp, is in 't begin van de twintigste eëuw betwis door de eigenaer van de Wittemermeule en ’t kloaster. In 1907 kaom ’t dan tot ’n minnelike sjikking.

't Waterraad, aanvankelik 'n houte raad oet 1886, woort in 1939 vervange door 'n iezere raad.

Allewiel besjtaon d'r planne veur 't werve van fondse veur 't geheël restaurere van de insjtallatie, wobie 't raad vervange zal waere.

Externe links[bewirk | brón bewèrke]

Brón[bewirk | brón bewèrke]

  • Archivaris van ’t Kloaster Redemptoriste in Wittem.