Mesopotamië

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Mesopotamië.

Mesopotamië (Grieks veur "tösse de revere") is de naam veur e gebied det tösse de revere Tigris en Eufraat ligk. 'nen Angere naam veur 't gebied is Twieëstruimelandj. 't Vertuuentj väöl geliekenis mit Egypte dore ónregelmaesige euverstruiminge die 't landj vröchbaart make.

't Gebied kump in groeate deiler euverein mit 't hujig Irak, meh besleitj ouch e deil van 't hujig Syrië en Iraan. De Sumeriërs laefdje in 't zuje; de Akkadiërs mieë nao 't naorde. Daonao kome de Babyloniërs. Róndj 1100 v.Chr. vereuverdje de Assyriërs 't gans Kórtbie Oeaste. Ieëve later nao de val van Nineve, kós 't Nuujbabylonisch Riek ónger Nebukadnezar 'n kórte bleujperiood. De Perze bezatten 't riek van 538 v.Chr. toet 331 v.Chr., wonao 't gebied in henj vool van Alexander de Groeate van Macedonië.

In Mesopotamië waas de keuning de plaatsvervanger van de gaoje. Kóns haw e militair karakter en waas hieël realistisch en rationeel. Inne boewkóns veurdje ze de gewelfbaog in. De paleize wore wie vestinge. Tösse de gewelve woort aerd gestort en dao-op woorte plantje en buim gepaot, de hangendje häöf. Wiejer steitj 't bekèndj veure reliëfkóns enne glazuurkóns.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mesopotamië&oldid=366455"