Martin van Dijk
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Martin van Dijk (Emmen, 17 oktoeaber 1946 - Amsterdam, 5 juni 2016) waas 'n Nederlandjse pianis en kómpenis. Hae wón twieë kieër d'n Annie M.G. Schmidt-pries en waas ónger anger de begeleier van cabaretier Hans Dorrestijn.
Nao 'n lang muzikaal karrejaer, die 'm ónger anger veurdje nao de Muskee Band van Harry Muskee ("Cuby" van Cuby and the Blizzards), wirkdje Van Dijk ónger anger mit Purper, Jenny Arean en Adèle Bloemendaal, ieër d'r mit Hans Dorrestijn de pergramma's Cirkels (2000), Het naakte bestaan (2005) en Ruïnes (2007) inne Nederlandjse theaters dieëj.
In 1992 en 1996 woort Van Dijk óngersjeie mitte Annie M.G. Schmidt-pries veur 't bèste theaterleed van 't jaor.
Van Dijk genaot wiejer bekandjheid es de pianis inne tilleviesquiz Met het mes op tafel. In mieërt 2016 woort t'r krank en leet t'r al zien wirkzaamheje ligke. Op 5 juni 2016 stórf t'r op 69-jäörige laeftied.