Lissabon

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Oetzich euver Lissabon.

Lissabon (Portugees: Lisboa, [liʒ'boɐ]) is de houfsjtad van Portugal en 't gelieknamig disjtrik en adminisjtratief gewès. De sjtad ligk aan de munjing vanne Taag, aan d'n Atlantischen Oceaan, in 't uterste zuudwèste van Europa en de wèskus van Iberië.

Es de grótste sjtad van Portugal mit de wichtigste zeehave, de zaetel van de Portugese regering en tal van nasjenaal euverheje, zes universiteite en de Portugese Akademie veur de Weitesjap is Lissabon 't politisch, ikkenomisch en kultureel centrum van 't landj.

Lissabon is ouch de zaetel van 'n aantal insjtèllinge van de Europese Unie, worónger 't Europees Kóntraolkantoor veur Drugs en Drugsversjlaving en 't Europees Agentsjap veur Veiligheid op de Zee. De sjtad hoesves daonaeve ouch 't houfkantoor van de Gemeinsjap van Portugeessjpraekende Lenjer (CPLP).

Lissabon koom in 205 v.Chr. ónger Romeinse heersjappie. Gaius Iulius Caesar haet de sjtatus van Romeins municipium en de Letiense naam Felicitas Iulia aan de destiedsje plaats Olisipo toegekènd.

De stad sjting vanaaf de viefde eew n.Chr. ónger 't gezag van versjillende Germaanse sjtamme en is in d'n achsten eew dore More vereuverd gewaore. Saer de kristelike hereuvering in 1147 door de kruutsvaarders ónger leijing van Afonso Henriques haet Lissabon zich tót 't politisch, ikkenomisch en kultureel centrum van Portugal óntwikkeld. In taegesjtèlling toet de meiste anger houfsjtei haet Lissabon zien sjtatus es houfsjtad en regeringszaetel neet te danken aan e sjtatuur of anger gesjreve euvereinkóms, meh fungeert 't door 'n gróndjwèttelike conventie es de de facto houfsjtad van Portugal.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lissabon&oldid=413376"