Lin (Nederlandj)

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Lins, es te dit dialek sjpriks.

Lin (Linne)
Gewaeze gemeinte in Nederlandj

Waope van Lin

Ligking van Lin in de aaj gemèndje Brach

Gevörmp ?
Opgehaeve 1991
Opgegange in Brach
Provincie Limburg
Hoofplaats Lin
Opperflaakde (bie opluffing) 15,12[1][2] km²
– daovan water: 1,12[2] km²
Inwoeners (kort veur opluffing) 3.315[1]
deechde: 219/km²
Lies van börgemeisters

Lin (Nederlands: Linne) is e dörp in de gemeinte Maasgoew (Maasgouw) in Midde-Limburg, mèt oongeveer 3.600 inwoeners. 't Dörp ligk op e liegterras aon de Maos, kortbij de moond vaan de Vlootbeek. Bij Lin huurt vaanajds ouch de naobersjap De Weerd, aon d'n aandere kant vaan de Vloetbeek gelege.

Historie[bewirk | brón bewèrke]

Lin, wat in 943 veur 't iers weurt geneump, is al milennialaank bewoend. In 't dörp zien voondste oet de steintied gedoon, zoewie vaan de La Tènecultuur, die geassocieerd weurt mèt de Kelte. D'n oersprunk vaan de naom is neet gans dudelek. Mesjiens stamp de naom nog oet de Keltischen tied en geit 'r trök op lindo 'water' ('n verwiezing nao de ligking aon de Maos). Aandere höbbe gedach aon 't Germaans hlinde 'hèlling' ('n verwiezing nao de hoeger ligking, boedoor 't dörp bij watersnoed druug blijf), of gewoen aon lin. In eder geval woort de naom in de middeliewe zoe begrepe: de plaots versjijnt op kaarte dèks es Linlo ('linnebos').

In de middeliewe kaom Lin bij Gelder, zoetot 't oetindelek in de zèstienden iew in Habsbörgse han kaom. Nao d'n Tachtegjaoregen Oorlog bleef Lin Spaons gebeed (deil vaan Spaons-Bove-Gelder). Mèt de Vrei vaan Utrech (1713) woort 't ingedeild bij Staots-Bove-Gelder en kaom Lin bij de Rippubliek (d.w.z. bij Nederland). In 't Keuninkriek vaan de Nederlen woort Lin 'n gemeinte, wat 't bleef tot 1991. In dat jaor woort Lin, same mèt G'n Oea en De Laak en Staeveswaert, touwgeveug aon Brach. E stök vaan de gemeinte góng nao Postert. Sinds de oplufting vaan de gemeinte Brach in 2007 vèlt Lin oonder de gemeinte Maasgoew.

Historische inwoenertalle[bewirk | brón bewèrke]

Tösse 1830 en 1971 (de uterste volkstèllingsjaore) is de gemeinte Lin feitelek constant gegreujd, zij 't soms väöl snelder es aanders. Opvallend veur 'n plattelandsgemeinte is tot Lin ouch in d'n twintegsten iew soms snelder is gegreujd es 't provinciaol gemiddelde, doordet 't 'n forenzeplaots veur Remunj is.

Jaor Aontal Greuj (gans Limbörg)
1830 732[3] --
1840 763[4] +4,2% (+5,6%)
1849 809[5] +6,0% (+4,3%)
1859 818[6] +1,1% (+4,4%)
1869 917[7] +12,1% (+4,5%)
1879 975[8] +6,3% (+7,0%)
1889 987[9] +1,2% (+6,8%)
1899 1.045[10] +5,9% (+10,2%)
Jaor Aontal Greuj (gans Limbörg)
1909 1.062[11] +1,6% (+17,8%)
1920 1.292[12] +21,7% (+32,6%)
1930 1.623[13] +25,6% (+25,1%)
1947 2.020[14] +24,5% (+24,2%)
1956 2.371[15] +17,4% (+27,3%)
1960 2.672[2] +12,7% (+7,4%)
1971 3.315[1] +24% (+13,9%)
Opmerking
  • In 1971 zien de inwoenertalle aofgeroond op ganse vieftalle. Gelèt op 't klein aontal inwoeners vaan Lin is 't greujciefer veur dat jaor daorum neet exakter es in ganse percinte gegeve.
Rillatief oontwikkeling vaan 1830 tot 1971

(v1830=100)

Greun: Gemeinte Lin
Blauw: Provincie Limbörg

Aonzien[bewirk | brón bewèrke]

De woenkern Lin kint nege rieksmonuminte. 't Geit um de Sint-Maartenskèrk mèt bijbehurende pastorie, um 't kesjtieël Heisteróm mèt bijgebouwe en um 'n boeteplaots in De Weerd.[16]

Waope[bewirk | brón bewèrke]

De gemeinte Lin kraog op 3 augustus 1896 vaan d'n Hoege Raod vaan Adel e waope touwgekind, wat ziech zoe liet umsjrieve:

Doorsnoje: I. Bove in lazuur (blauw) Sint-Maarten, gekleid en gehelmp vaan zèlver (wit) en gehöld in 'ne mèt hermelijn gevoorde zèlvere mantel, zittend op e peerd vaan sabel (zwart), getuug vaan zèlver en stappend op 'ne groond vaan 'tzelfde; mèt e zèlvere zweerd mèt gouwe geves snijt heer e stök vaan ziene mantel aof, wat heer gief aon 'ne naakse bedeleer vaan natuurleke kleur, umgord vaan zèler; II (oonder) ierste vaan lazuur belaoje mèt 'nen umgekierden dobbelstartege liew vaan goud, gekroend vaan 'tzelfde, getóngk en genageld vaan keel (roed), twiede vaan goud mèt 'ne liew vaan sabel, getóngk en genageld vaan keel.

Sint-Maarten, 'ne populairen heilege, is de parochieheilege. 't Oonderste, gedeilde waope mèt de twiede liewe is vaan Gelder(land), 't gewes boe Lin oonder 't ancien régime touw huurde. Op aw zegele vaan de sjepebaank is dezelfde veurstèlling te zien; 't waope vaan Gelder steit daan evels op e klei sjèldsje veur de parochieheilege.[17]

Bronne[bewirk | brón bewèrke]

Dit artikel baseert ziech deils op 't corresponderend Nederlandstaoleg artikel, en wel in dees versie.

Rifferenties[bewirk | brón bewèrke]

  1. 1,0 1,1 1,2 Volkstèlling 1971 - Plaotseleke indeiling
  2. 2,0 2,1 2,2 Volkstèlling 1960 - Bevolking vaan gemeintes en oonderdeile vaan gemeintes
  3. Volkstèlling 1830
  4. Volkstèlling 1840 - Limbörg
  5. Volkstèlling 1849 - Hertogdóm Limbörg: gemeintesgewijs indeiling vaan de provincie
  6. Volkstèlling 1859 - Plaotseleke indeiling
  7. Volkstèlling 1869 - Feiteleke of getèlde bevolking in eder gemeinte vaan 't riek
  8. Volkstèlling 1879 - Limbörg: plaotseleke indeiling
  9. Volkstèlling 1889 - Limbörg
  10. Volkstèlling 1899 - Limbörg
  11. Volkstèlling 1909 - Plaotseleke indeiling
  12. Volkstèlling 1920 - Plaotseleke indeiling
  13. Volkstèlling 1930 - Plaotseleke indeiling
  14. Volkstèlling 1947 - Plaotseleke indeiling
  15. Woeningtèlling 1956 - Veurnaomste gegeves per gemeinte
  16. Rieksmonuminte in Lin
  17. Heraldrywiki - Linne
 
Gemeinte Maasgoew
Vaan van Maasgoew
Dörper en stej: Bieëgdje · Brach · De Baek · Hael · Lin · Panhael · Staeveswaert · Toear · Wèssem
Gehuchte: Apebrook · Baarstraot · Bilt · Brachtersjtasie · Brandj · Breiwaeg · De Laak · De Tump · De Weerd · Eilandj · Houtem · Kastert · Kruchte · G'n Oea · Oeazje · Pol
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lin_(Nederlandj)&oldid=443785"