Limburgcharter
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Limburgcharter is 'n verdraag tösse Nederlands en Belsj Limburg mèt 't oug op 'n beter samewèrking euver de landgrens. 't Verdraag mèt d'n titel 'Oost West, Limburg Best' woort op 9 december 2008 geteikend door de gouverneurs vaan allebei de provincies en op 19 april 2009 woort 't verdraag officieel oonderteikend in Hasselt,precies 170 jaor naotot de twie deile vaan Limbörg woorte gesplits. 't Charter moot initiatieve versterke en es inspiratiebron dene veur mier samewèrking. Zoe wèlt me es ein gehiel optrejje binne Europa en de Euregio.
Oonderzeuk[bewirk | brón bewèrke]
Nao aonleiing vaan 't charter is d'r ouch in jannewarie 2009 'n oonderzeuk gewees mèt d'n titel 'Grenzeloos Limburg' um 't einheidgeveul te oonderzeuke. Oet 't oonderzeuk bliek tot 'n groet deil ziech op de ierste plaots Limbörger veult en neet Vlaming/Nederlander. De Limbörgers dinken bie hun provincie gaw aon gezèllegheid en 't greun landsjap. Umtrint 80% vaan de Limbörgers zeet 'n samewèrking tösse de provincies es get positiefs.
Limbörg symbool[bewirk | brón bewèrke]
Veur Limbürg is ouch e symbool bedach. 't Symbool is 'n gekantelde roej lètter L, die zoe ouch 'n hart vörmp.
Groet Limbörg[bewirk | brón bewèrke]
De twie provincies same höbbe naoventrint twie mieljoen inwoeners (Nederlands Limbörg; 1.122.990 inwoeners (30 november 2009) en Belsj Limbörg; 838.505 inwoeners (1 jannewarie 2010)) en heet 'n oppervlak vaan 4631,22 km2.