Liezjemo

Van Wikipedia

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Veurbeeldj van eine liezjemo oet 1933, tweë gelieke aaneingekoppelde einpersoonsbèdde

'ne Liezjemo is ein in Limburg väöl gebruuk woord veur ein tweëpersoonsbèd dat wirt gemaak door tweë gelieke einpersoonsbèdde taenge ein te zètte. In ’t midde, wo de tweë ziejkantje aanein aansjlete, óntsjteit 'ne naod.

’t Limburgse woord is aafgeleijd van ’t Franse lits-jumeaux, lètterlik vertaald tweëlingbèdde. Allewiel is 'ne echte liezjemo neet meë te koup. Waal besjtaon d'r nog samegesjtèlde deilbaar of sjarnerende bèdde, mer dan zónger de ziejplenk in 't midde. Meërdere fabrikante veurzeen dees bèdde daoróm van sjterke draagconsjtructies óm ’t aaneinsjlete meugelik te make.

Liezjemo-bèdde ware breijer es de vreuger gangbaar tweëpersoonsbèdde. Dees ware doe meistal 120, 130 of 140 cm breit, terwiel eine liezjemo waas samegesjtèld oet tweë einpersoonsbèdde van 80 of 90 cm breit. De lengde waas meistal 190 cm in plaatsj van de noe gangbare 200 of 210 cm

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Liezjemo&oldid=347165"