Leonide

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Leonide is 'ne meteorezwerm dee eder jaor in november te zien is. In 2009 is 't huugdepunt op 17 november, daan zien nao verwachting mie es 400 meteore per oor te zien.[1]. De naom is aofkomsteg vaan 't punt in de ruimte boe de meteore vaandan lieke te koume, naomelek oet 't starebeeld Liew (Leo).

De brokstökke en stöbdeilkes die de meteorezwerm vörme zien aofkomsteg vaan de komeet Tempel-Tuttle, dee 'ne umlouptied um de zon heet vaan get mie es 33 jaor. Dit hingk same mèt de woernumminge vaan 't aontal meteore, die ouch 'ne cyclus vaan 33 jaor höbbe. Topjaore waore 1698, 1799, 1833, 1866, 1966 en 2001, toen woorte doezende meteore per oor gezeen. Zeker in 't jaor 1833, toen waore nao sjatting 240.000 meteore per oor te zien.[2]

Referenties[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Leonide&oldid=355667"