La Défense
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
La Défense is e zakegebeed gelege in de metropool vaan Groet-Paries in Île-de-France, 't op ein na meis aontrèkkelek zakegebeed in Europa (qua investeringe), nao de stad Londe, en 't veerde vaan de wereld. In 't distrik gief 't hoofkantoere vaan väöl Franse en boetelandse bedrieve, zoewie de Europese Baankotoriteit. 't Ligk in de noordwesteleke boetewieke vaan Paries, in 't departemint Hauts-de-Seine, in 't territorium vaan de gemeintes Puteaux, Courbevoie, Nanterre en La Garenne-Colombes, aon 't westeleke ind vaan de historische as die begint bij 't Louvre-pelies en doorgeit langs de Avenue des Champs-Élysées, de Arc de triomphe de l'Étoile en tot aon 't ind vaan de Pont de Neuilly en de Arche de la Défense.
La Défense, gebouwd sinds de jaore 1960, besteit veurnamelek oet hoeg geboewe, mit veurnamelek kantoere (oongeveer drei mieljoon veerkante meter). La Défense is evels e gemingk distrik: 't is thoes aon 600.000 veerkante meter woeninge, en de eupening vaan 't winkelcentrum Les Quatre Temps in 1981 maakde 't e belaangriek handelscentrum in Île-de-France. E belaankriek woencomplex zien de Tours Aillaud In 2022 heet 't district 2.500 bedrieve, oongeveer 180.000 werknemers, 70.000 studènte en 50.000 inwoeners verspreid euver 61 gebouwe. 't Is 't thoes vaan de hoofkantoere vaan groete Franse en boetelandse multinationals.
De naobersjap strek ziech oet binne en boete 'n einriechtings- en cirkelvörmige boulevard. 't Besteit oet 160 hektaar en is in 2011 verdeild in veer groete sectore (Arche Nord, Arche Sud, Esplanade Nord en Esplanade Sud) die de twelf aw genómmerde sectore vervange. 't Distrik strek ziech oet euver 'n labendeg groete vootgengersplaat vaan 31 hektaar, verhuug bove de natuurleke groond. De peblieke ruimte vaan de plaat, in weze mineraol, besteit ouch oet haanktuine en vievers. Op de plaat ligke oongever zèsteg kunswerke vaan La Défense es e soort vaan opelochmuseum.
Brón
[bewirk | brón bewèrke]- Franstaolege Wikipedia