Krenkde vaan Parkinson
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
 | Lèt good op 't veurbehawd bie medische informatie. Gank bie gezóndjheidsklachte nao 'nen hoesdokter. |
De Krenkde vaan Parkinson is 'n progressief hersekrenkde die veural awwer lui tröf. Ze is geneump nao de Britse chirurg James Parkinson, dee in 1817 es ierste euver de krenkde sjreef. De krenkde kinmerk ziech door 'n degeneratie vaan de zwarte stof en gerillateerde gebeje in d'n hersestam, boedoor de productie vaan dopamine stok en ziech abnormaol, kraankmakende eiwitklumpkes vörme die me Lewy-body's neump. Symptome vaan de krenkde zien oonder mie d'n tremor (trilling) vaan beveurbeeld de han (dit associeert me zoe sterk mèt de krenkde tot me 't parkinsonisme is goon neume), stiefheid, sjravelentere loupe, evewiechssteurnis en probleme mèt 't otonoom zenuwstèlsel. Väöl patiënte - meh zeker neet bij allemaol - goon op d'n door ouch verkinse, op 'n gans speciaol meneer die me Lewy-bodydementie is goon neume. Angssteurnisse en hallucinaties koume hei dèks bij veur.
De krenkde heet veur zoewied bekind neet ein bepaolde oerzaak; zoewel genetische factore es de umgeving sjijne 'n rol te speule. Genezing is neet meugelek; behandeling is veural geriech op 't minder erg make vaan de symptome. Gesjat weurt tot zoeget 1% vaan de minsheid bove de zèsteg jaor aon Parkinson lijt; treujt de krenkde op bij lui oonder de viefteg, daan heet me 't euver Parkinson op joonge leeftied.
Dit artikel is e sjtumpke. De kans Wikipedia helpe door 't aan te völle