Katy Perry
Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.
Katheryn Elizabeth Hudson (gebore op 25 jannewarie 1984 in Santa Barbara), bekèndj ónger häören artiestenaam Katy Perry, is 'n Amerikaanse zengerin, zakevrouw en mediapersoenlikheid. Zie waor bekèndj door häöre moderne popmuziek, en 't tiedsjrif Vogue goof häör de bienaam Koningin van Camp.
Bekènde jaore
[bewirk | brón bewèrke]Perry is eine van de bès verkoupende artieste op de waereld, mit mie es 143 miljoen verkochde plate waereldwied. Zie haet veer singles die de ierste plaats in de Vereinigde Sjtate bereik höbbe, drie albums die ouch de ierste plaats bereik höbbe en tal van prieze óntvange, woe-ónger: eine Billboard Spotlight Award (tót noe toe de einige vrouweliken arties dae dae pries gewónne haet), veer Guinness World Records, vief Billboard Music Awards, vief American Music Awards, eine Brit Award en eine Juno Award, naeve versjillende Grammy-nominaties.
Perry versjeen ouch op de jaorlikse Forbes-lies van de bès betaalde zengerinne van 2011 tót en mit 2015.
Discografie
[bewirk | brón bewèrke]Albums
- Katy Hudson (2001)
- One of the Boys (2008)
- Teenage Dream (2010)
- Prism (2013)
- Witness (2017)
- Smile (2020)
- 143 (2024)
