Kabeijer

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

'ne Kabeijer (ouch waal kabeier of kabejjer) is 'n in Limburg völ gebruuk woord veur get wat groat in z’n saort is. Kabeijer kump qua beteikenis völal euverein mèt 't in Nederlandj gebruukde woord kanjer of joekel.

Etymologie

't Woord kump veur in 't Rienlandgebeed en is vermoedelik aafgeleid van 'n awt Duutsj woord Kabei, 'n groat en sjterk emes of 'n groat deer. Meugelik ouch afgeleid van Käbbes, 'n anger Duutsj woord dat dikzak of dik persoan beteikent.

Gezègkde

• Hae haet 'ne kabeijer van 'ne vösj gevange - Nederlands: Hij heeft 'n kanjer van een vis gevangen.

Trivia

• De Baeker Vastelaovesvereiniging de Pottentaote kènne de óngersjeijing "Kebeijer in de orde van de Pottentaote", sjpeciaal veur mansluuj.