Kabbinèt
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
e Kabbinèt is e polletiek orgaon. De specifieke beteikenis vaan dit orgaon hink aof vaan de konteks. Meistes geit 't daan wel euver 'n orgaon wat 't functionere vaan de exectutieve of oetveurende mach hölp.
Nederland en Duitsland
[bewirk | brón bewèrke]In Nederland en Duitsland weurt 't Kabbinèt gezeen es 't hoegste bestuurorgaon, mèt de regeringsleier (de premier veur Nederland, de Kanseleer veur Duitsland) aon de leiing vaan 't Kabbinèt. Wijer zitte dao daan ministers en staotssikkertarisse in. Zoe e Kabbinèt is dus dèks synoniem aon de Executieve mach vaan de regering.
Belsj
[bewirk | brón bewèrke]In Belsj is 't Kabbinèt evels de aonduiing vaan 'ne gróp lui die wèrke veur 'ne politicus. In d'n alledaogse polletieken taol verwijs e kabbinèt nao e ministerieel kabbinèt - 'ne gróp aon staf, advisäörs, sikkerarisse en dergeleke vaan 'ne minister. e Belsj Kabbinèt heet dus gaaroet niks te make mèt de Nederlandse of Duitse benaoming. Wat me in Nederland e kabbinèt nump, weurt in Belsj sömpelweeg 'n regering geneump.
Europese Unie
[bewirk | brón bewèrke]In de Europese Unie (EU) weurt 'n vergeliekbaar definitie gegeve veur Kabbinèt wie in Belsj. 't Geit hei dus neet um de Europees Kemissie ('t instituut wat me ouch wel de "regering" vaan de EU kint neume), mer um 't team wat 'ne Kemissaris oondersteunt.