Juul Franssen

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Venloos, as te dit dialek sjpriks.

Juul Franssen (Venlo, 18 jannewarie 1990) is ein Nederlandse judoka.

Juul, ein sjlechtersjdochter, waas al vanaaf häör viefde lid van de Judoclub Reuver, eësj ónger leijing van Thomas Korff, en vervolges de lètste jaore o.l.v. Rick Peeters. Door Peeters kaom ze op 7-jaorige laeftied terech biej trainer/coach Eddie van de Pol in Helmóndj. Ónger zien leijing behaolde ze es junior 't eine succes nao 't angere. Op häör 12e woort ze veur 't eësj Nederlands kampioen in de klasse ónger 15 jaor tot 44kg. Later volgde nog nationale titels in de hoagere gewichsklasse bij -15 jaor. In 2006 woort ze, naodat ze ein jaor eërder ooch al èns tweëde woort, Europees kampioen biej de aspirante -57kg. In 2008 zouw ze nog èns de Europese titel behaole, noe biej de juniore -57kg. In häör lètste jaor es junior woort ze in Paries 2e in dezelfde klasse. Hiejnao sjtapde ze euver nao de seniore.

Juul sjtudeert saer 2008 aan de Fontys sjporthoagesjoal in Tilburg de opleijing sports and education.

Vanaaf jannewarie 2010 is zie officieel senior en is häör doel gouwe medajjes te winne! In fibberwarie 2010 haolde ze mètein häöre eësjte senioremedajje door in Pole zilver te winne op eine World Cup. Mede hiejdoor woort ze es opvolgster van Deborah Gravesteijn geselecteerd veur de Europese- en Wereldkampioensjappe seniore. Biej 't EK, wo ze häör internationaal debuut maakde, woort ze 5e, biej 't WK loatte ze, nao eine vrieje doorgank in de eësjte runj, biezunjer óngunstig taenge de gerenommeerde Oasteriekse Sabrina Filzmoser en raakde al nao 1.17 min. in de hawtgreep wo ze neet mee oet koosj kómme. Later naom ze revanche op zichzelf door biej 't WK veur teams in 't Turkse Antalya ónger leijing van Marjolein van Unen en same mèt häör teamgenote 't waereldkampioensjap op te eise door in de finale Duutsjlandj mèt 3-2 te versjlaon. Juul zelf wón häör partij taenge Miryan Roper mèt ippon. In de hauve finale hejje de Nederlandse judoka's al aafgeraekend mèt titelverdediger Japan. Ouch dat duel woort mèt 3-2 gewónne.

Eërelies[bewirk | brontekst bewerken]

2010
  • 1e WK teams
  • 3e 57kg World Cup Egypte
  • 5e 57kg Europese Kampioensjappe seniore Wene
  • 2e 57kg World Cup Pole
2009
  • 3e 57kg Nederlandse Kampioensjappe seniore
  • 2e 57kg Wereldkampioensjappe juniore Paries
  • 3e 57kg Europese Kampioensjappe juniore Armenië
  • 1e 57kg Nederlandse Kampioensjappe juniore
2008
  • 1e 57kg Europese Kampioensjappe juniore Pole
  • 1e 57kg Nederlandse Kampioensjappe juniore
2007
  • 2e 57kg Nederlandse Kampioensjappe seniore
  • 5e 57kg Europese Kampioensjappe juniore
  • 2e 57kg Nederlandse Kampioensjappe aspirante
2006
  • 1e 57kg Europese Kampioensjappe aspirante Hongarije
  • 1e 57kg Nederlandse Kampioensjappe aspirante
  • 3e 57kg Nederlandse Kampioensjappe juniore
2005
  • 2e 57kg Europese Kampioensjappe aspirante
  • 1e 57kg Nederlandse Kampioensjappe aspirante
  • 3e 57kg Nederlandse Kampioensjappe juniore
2004
  • 1e 57kg Nederlandse Kampioensjappe -15jr
  • 3e 57kg Nederlandse Kampioensjappe aspirante
2003
  • 1e 48kg Nederlandse Kampioensjappe -15jr
  • 2e 48kg Nederlandse Kampioensjappe juniore
  • 3e 48kg Nederlandse Kampioensjappe aspirante
2002
  • 1e 44kg Nederlandse Kampioensjappe -15jr

Link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Juul_Franssen&oldid=349438"