Jo Erens

Van Wikipedia
Gank nao: navigatie, zeuke
Beeld - gemaak door Gène Eggen - vaan Jo Erens in Zitterd

Dit artikel is gesjreve in 't Zittesj. 't Weurt gewaardeerd óm in dit artikel 't Zittesj aan te hauwe of aan te gaeve welk anger dialek gebroek is.


Jo Erens (24 februari 1928 - 21 januari 1955) waor eine jónge Zittesje zenger dae veural in de vieftiger jaore in zowaal Nederlands es Belsj Limburg väöl indrök haet gemaak mit zien Limburgstalige leidjes.

Biografie[bewirk | brontekst bewerken]

Jo Erens woonde aan de Riekswaeg-Noord in Zitterd. Zien vader waas meubelmaeker. Hae waas lid van 't Zittersje mannekoar. Erens trooj op jeugdige laeftied al op veur de Zittesje vastelaovesvereiniging "De Marotte". Hae waas tot euver de grenze bekènd en geleif, ouch in Belsj Limburg.

Bekènde leidjes van Jo alias "Jochem" Erens zint ónger angere Zitterd/Limburg allein en Limburg mie landj. Zoawaal teks es meziek woorte door Erens gesjreve. Ènnige jaore veur ziene doad plaatsjde hae 'n muzikaal sjtandjbeeld veur ziene plaatsjgenoot "Zefke Mols". Veur väöl luuj is dit ein hieël bekèndj leidje euver 'ne Zittesje zjwerver.

Hae is in 1955 op 26-jaorige laeftied gesjtórve aan 'n hersjeblojing wie hae in Amersfoort bie zien zöster op bezeuk waas.

Zien gebaorteplaatsj Zitterd haet ein plantsoen nao häöm verneump, 't "Jo Erens Plantsoen". In 't midde daovan sjteit saer 1981 ein sjtandbeeld van de troubadour - gemaak door Gène Eggen - zittend mèt zien gitaar. 't Plantsoen is te vènje aan 't Tempelplein in Zitterd. Daonaeve is d'r 't 'Jochem Erenshoes' aan 't Kloasterplein. In dit geboew, 'n fraaj gereneveerd kapittelhoes, höbbe versjillende Zittesje vereiniginge ein óngerkómme.

In 2006 woort Jo Erens genomineerd veur de titel 'Groatste Limburger Aller Tieje' door de regionale Limburgse ómroop L1. Hae haolde de derde plaatsj in de categorie 'lichte meziek'.

Op 13 oktwoaber 2007 woort 't archief van Jo Erens, wo-ónger zien gouwe plaat, gesjónke aan 't Sjtadsarchief van de gemeinte Zittert-Gelaen.

Leidjes[bewirk | brontekst bewerken]

Bekènde volksleidjes van Jo Erens zint:

  • Limburg mie landj
  • Es de blaedjes valle
  • 't Krutske
  • Ich kèn ein aardig maedje
  • 't Benkske in de sjeim
  • Sjwerbelke
  • Limburg allein
  • Vrieësleidje
  • Vaarwel mie limburgslandj
  • Zefke Mols
  • Lente in Limburg
  • Jan Rattaplan
  • Treeske

Jo Erenspries[bewirk | brontekst bewerken]

De Jo Erenspries is in 1955 in gesjtèld dör 't Davidsfonds i.s.m. BRT-Limburg.[1] Frits Rademacher wón dae pries in 1955; Joep Rademakers in 1976 [2].

Vernuujde Jo Erenspries[bewirk | brontekst bewerken]

De vernuujde Jo Erenspries veur Limburgse troubadours is in 2008 dör L1-radio oetgereik. Óp 31 oktwoaber van dat jaor woort Sjef Diederen de winnaar.

Externe link[bewirk | brontekst bewerken]

referentie[bewirk | brontekst bewerken]

  1. Artikel Belang van Limburg oet 1955 över de Jo Erenspries
  2. Joep Rademakers wint de pries in 1976
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Jo_Erens&oldid=349372"