Jan Hugens

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Heëlesj, as te dit dialek sjpriks.

Jan Hugens (Heërle, 22 mieërt 1939 - Awstrao, 12 mieërt 2011) waas 'ne Nederlandse fitserenner.

Biografie[bewirk | brontekst bewerken]

Hugens waas professioneel fitserenner van 1960 pes 1968. Mèt name es tiedriejer koosj hae, ouch al es amateur, concurrere mèt de bèste. Es amateur naom hae deil aan de Olympische Sjpele in 1960 in Roame wo hae in de waegwedsjtried individueel 'n 38e plaatsj behaolde en in de 100km plogetiedrit ein veerde plaatsj. In 1962 naom hae deil aan de Runj van de Toekoms wo hae tweë etappes wón en de achste plaatsj in de eindjrangsjikking haolde. Biej de profs naom hae deil aan de internasjenale tiedritte zoa-es de GP des Nations. Zien bèste prestatie leverde hae in deze wedsjtried in 1965 mèt 'n veerde plaatsj. In 1966 woort hae derde in de Amstel Gold Race naodat hae, in gewónne pesitie, op ènnige hónderde maeters veur de finish door 'n aafloupende kètting de euverwinning aan de Fransman Jean Stablinsky moosj laote.

Óndanks zien oetzunjerlikke talente koosj Hugens tiedes zien wielercarrière toch neet voldoon aan de hoag verwachtinge wo väöl van zien aanhangersj in de provincie Limburg op hèjje gehoop. Nao zien aafsjied van de wielersjport góng hae aan de sjlaag es betónvlechter en later nog es sjoalconciërge. Hae woonde bies zienen doead, kort veur ziene 72e verjäördag, in Awstrao, gemeinte Sjènne.

Belangriekste oetsjlaeg[bewirk | brontekst bewerken]

Amateurs

1958

  • Olympia's Tour: 1e plaatsj in 1e etappe

1959

  • Runj van Noord-Holland: 2e plaatsj

1961

  • GP des Nations: 7e plaatsj,
  • GP Lugano: 3e plaatsj

1962

  • GP Brasschaat: 1e plaatsj,
  • GP Lugano 7e plaatsj,
  • Runj van de Toekomst: 8e plaatsj, 1e plaatsj in de 5e etappe, 1e plaatsj in de 13e etappe,
  • Runj van de Veer Kantons: 1e plaatsj,
  • Runj van Zjwitserlandj: 6e plaatsj
Profs

1964

  • Runj van de Veer Kantons: 1e plaatsj

1965

  • GP des Nations 4e plaatsj,
  • GP Lugano: 4e plaatsj,
  • GP Union Dortmund: 1e plaatsj

1966

  • Amstel Gold Race: 3e plaatsj

Ploegen[bewirk | brontekst bewerken]

  • 1963 - St.Raphael - Gitane - Campagnolo,
  • 1964 - Televizier,
  • 1965 - Torpedo,
  • 1966 - Ford - Hutchinson,
  • 1967 - Romeo - Smiths

Bron[bewirk | brontekst bewerken]

  • Wikipedia NL
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Jan_Hugens&oldid=349332"