James Clerk Maxwell

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


James Clerk Maxwell.

James Clerk Maxwell (1831 - 1879) waas 'ne Sjotse wiskundige en netuurkundige. Nao 'm zeen de veer Maxwellvergeliekinge geneump. Op dees gróndjvergeliekinge is de ganse elektromagnetische theorie geboewd.

Maxwell zien grootste verdeenste ligk in zien óntdèkkinge op 't gebied van elektromagnetische golve. Hae teunde aan det elektriciteit en magnetisme aanein gerelateerd zeen en in ei systeem passe. Dit geldj veur alle saorte elektromagnetische sjtraoling, wie ouch veur zichbaar leech. Maxwell besjreef zien bevinjinge in zie book Treatise on electricity and magnetism oet 1873.

De Duutse netuurkundige Heinrich Hertz zów later aanteune det geluidsgolve, leechgolve en elektromagnetische golve vergeliekbaar gedraag verteune. Hae bevestigde mit zien experimenteel óngerzeukinge 't werk van Maxwell.

Maxwell beraekende ouch de snelheid van 't leech en bookde rizzeltaote op 't gebied van de wermdeleer. Mit zie totaal óngerzeukswerk (inclusief de studie van gase, de optica en kleursensatie) droog t'r bie aan zoget ederen tak van de netuurkunde.

Maxwell waerde gebaoren in Edinburg. Van 1856 tót 1860 waas t'r professor in de netuurfilosofie aan de universiteit van Aberdeen; daonao beklèdde d'r dezelvende functie in de netuurkunde en astronomie aan de universiteit van Lónje. In 1871 waerde d'r professor in de experimenteel netuurkunde aan de universiteit van Cambridge.

Weitesjappelike werke[bewirk | brón bewèrke]

  • Perception of Colour
  • Colour Blindness (1860)
  • Theory of Heat (1871)
  • Electricity and Magnetism (1873, twee deiler)
  • Matter and Motion (1876)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=James_Clerk_Maxwell&oldid=434191"