J.C.P. Kats
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Dr. Joannes Cornelis Paulus Kats of Jo Kats (Remunj 1906 - Remunj 2000) sjreef in 1985 't Remunjs waordebook, ei van de eerste Limburgse waordebeuk. Kats haaj nog planne veur 't oetgaeve van e sjpraekwaordebook. Det is aevel noojts aafgekomme.
Kats sjtudeerde Nederlands aan de Katholieke Universiteit Nijmegen en promoveerde in 1939 op 't proofsjrif 'Het Phonlogisch en morphonologich systeem van het Roermonds dialect'. Van 1936 toet 1946 waar Kats leraar aan 't Bernardinuscollege in Heële; van 1946 toet 1971 insjpecteur van 't leger ongerwies bie de insjpectie in Mestreech. Dao-'n-baove waar d'r veurzitter van Veldeke (1946-1956).