Ibn Khaldun

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

De moskee in Tunis (Tunesië) boe Ibn Khaldun studeerde

Abd ar-Rahman ibn Mohammad ibn Khaldun, kortweeg Ibn Khaldun, Chaldoen of Chaldoun (27 mei 1332, Tunis - 17 miert 1406, Cairo) waor 'ne Noord-Afrikaonse historicus en filosoof, dèks besjouwd es eine vaan de groondlègkers vaan de sociologie en de moderne historiografie.

Zien groet wèrk, de Muqaddimah, introduceerde 'ne vreuge vörm vaan sociologie en besjreef de cyclische eerd vaan besjaovinge, boebij heer benaodrökde tot sociaol cohesie en economische factore de opkoms en val vaan besjaovinge bepaole.