Herbestel

Van Wikipedia
Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Lontzener, es te dit dialek sjpriks.

't Sjild va Herbestel

Herbestel (Duutsj: Herbesthal) is 'n dörp in de gemèngde Lontzen in de Duutsjtalige Gemeensjap.

Historie[bewirk | brón bewèrke]

Herbesthal hat 'n ingewikkelde gesjiedenis ömdat 't töt versjèjje leng behoeërt.

Auw sjtatie van Herbesthal

Herbesthal waoërt in 1906 es parochie (in 't bisdom Kölle) gesjtich. Herbesthal waor in dae tied, es deel va Duutsjland, 'n deel van 't gebied Eupe/Malmedy en de lètste Duutsje plaatsj an de grens mèt Belsj. De gemèngdegrens tösje Herbesthal en Welkenraedt waor doe de grens tösje Duutsjlaand en Belsj. Dis grens - de Rue Mitoyenne c.q. Neutralstraße - is huuj de grens, die 't Duutsjtalig deel en 't Fraanstalig deel van de provincie Luuk sjèjt.

Sjpoorbaantechnisch fungeerde de plaatsj nog bies de jaore 60 es grens, ömdat dao d'r wissel van de locomotieve va Belsj en Duutsjlaand plaatsjvong. Daonao waoërt 't station 100 meter verplaatsjd nao 'ne nuujboew in Welkenraedt. In 1983 is 't station van Herbesthal aafgebraoëke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Herbestel&oldid=437363"