Henry Ford

Van Wikipedia
Gank nao: navigatie, zeuke

Dit artikel is gesjreve in 't Echters. 't Weurt gewaardeerd óm in dit artikel 't Echters aan te hauwe of aan te gaeve welk anger dialek gebroek is.


Henry Ford in 1919.

Henry Ford (30 juli 1863 - 7 april 1947) waas 'nen Amerikaansen industrieel dae in 1903 begós mit zienen autofebrik. Zienen ièrste wage maakdje d'r aevel al in 1892.

Hae richte de Detroit Automobile Company op, mer det ging al snel failliet. Ouch mit de Henry Ford Company waat d'r daonao oprichte wis t'r de mert neet te vereuvere en de aandeilhaojers dwónge 'm 't bedrief te verlaote. Pas mit zie derdje bedrief, de Ford Motor Company, haw d'r succes, te beginne mit de T-Ford.

Veurdet Ford de T-Ford maakdje haw d'r al väöl modelle gemaak: van A tót en mit S ginge óngevjèr tièn modelle de T veur. Euver de T-Ford zag t'r det deze wage in alle kluère te verkriege waas, zoalang 't mer zwart waas.

In zien febrikke introduceerdje d'r 't princiep van de loupendje bandj; e princiep det t'r haw aafgekeke van groate slechterieje. Dees innovatie maakdje massaproductie van wages meugelik. Dit waas 'n revolutie in de industrieel productie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Henry_Ford&oldid=378762"