Heksenhook
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
D'n Heksenhook en de Heksestraot (in 't verlengde vaan de Groete Looiersstraot) is 'n deil vaan Mestreech wat is geneump nao de femilie Hex (Haex) die dao in de Middeliewe woende. De naom heet dus niks te make mèt hekse. De straot woort in die daog 'Heksruwe', 'vicus Hexs' en 'Heren Heksruwe' geneump. Zie waor oonderdeil vaan 't aajd industrieel centrum vaan de stad. De Jeker zörgde veur de aondrieving van meules en zuver water veur de produktie van leer en lake. In de Heksestraot stoonte oets veer volmeules, boevaan nog ein euver is, 'De Bovenste Weyer'. Dees meule waor oets eigendom vaan 't Servaoskapittel. De opbrings vaan de meule woort gebruuk um de koste vaan wien en broed en de verleechting vaan de Sint Jaan te betaole.