Hein Simons

Van Wikipedia
(Doorverweze van Heintje)

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Heintje

Hendrik Nikolaas Theodoor Simons, baeter bekend es Heintje, (Heële[1], 12 augustus, 1955) is 'ne Nederlandse zanger en acteur.

Biografie[bewirk | brón bewèrke]

Heintje woort in 1966 óntdek door de Nederlandse platebaas Addy Kleijngeld naodat hae in Sjaasberg ’ne talentewedsjtried hèj gewónne. In ’t zelfde jaor maakde hae in Amsterdam zien eësjte plaatopname in 't Nederlands. Hae woort veural bekènd es kènjersjter mèt zien leedje Mama oet 1967 en in oktwoaber 1967 maakde hae de Duutsje verzie van dees plaat womit hae metein in dat landj doorbrook. Mama waas al in 1938 door Cesare Andrea Bixio (Italie) gesjreve en door Beniamino Gigli gezónge. Door de oetveuring van Heintje woort ’t leedje nuuj laeve ingeblaoze

Heintje hèj zoavöl succes in Duutsjlandj dat hae ouch es kèndj-acteur in versjillende Duutsje films in de 1960-er en 1970-er jaore acteerde. Hae scoorde tweë nr-1 hits in de Nederlandse top-40, allebei in 1968. 't Betróf Ich bau dir ein Schloss (27 waeke in de top-40) en Heidschi bumbeidschi (13 waeke in de top-40). 't Leedje Ich bau dir ein Schloss waas in 1968 in Nederlandj de hit van 't jaor.

Naodat hae in 1972 veur 't lèts 'ne hit scoorde in Nederland mèt "Meine Liebe für dich", wis hae, op 'n klein oplaeving in 1978 nao, allein nog mèr succes te haole in Duutsjlandj.

Hae hèj later toen hae volwassen waas ouch succes es zanger mèr dan ónger de naam Hein Simons en hae is es zoadanig veural populair in de Duutsj spraekende lènj. Hae haet worldwide mieë es 40 miljoen plate verkoch. Hein traejt nog sjteeds op en maak jaorliks ein nuuj cd.

In zien jeugdjaore woonde hae biej zien awwesj in Neu-Moresnet, 'n deilgemeinte van Kelmis in de Belsje provincie Luuk. Allewiel woont hae mèt zien gezin op Schimper[1] in Moresnet, 'n deilgemeinte van Plombières.

Leedjes[bewirk | brón bewèrke]

Films[bewirk | brón bewèrke]

Albums[bewirk | brón bewèrke]

Externe links[bewirk | brón bewèrke]

Officiele website: www.heinsimons.com

Commons
Commons
In de categorie Heintje Simons van Wikimedia Commons zeen media gerelateerd aan dit óngerwerp te vènje
  1. Interview with Hein Simons 2022-01-01
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hein_Simons&oldid=452857"