Heihaof

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

De Heihaof (Heihof) ies 'n groate carré-vörmige boerderie in de velde, die liegke tösje Kleingenhout (bie Arensgenhout), Hölsberg en de Emmaberg (gemeinte Valkeberg aan de Geul) in Zuud-Limburg. In de buurt óntsjpringk de Kattebeek, die riechting de Geul in Valkeberg sjtruimp.
't Good waor in vreuger tieje 'n groat lièn van Valkeberg en in 1486 eigendóm van de familie van der Sarghe. De ouwe achtervleugel ies van mergel geboewd, de zievleugele, oet de 19e ièw, zint van baksjtein. 't Vriesjtaond woonhoes mèt hookblokke en mergele daaklies, opgetrokke in baksjtein, ies van get later datum. Rónd sómmige vènstere ziete helsjteine umliestinge.

'ne Andere Heihaof liek op de Ambyerhei (veur 1970 gemeinte Amie), in de helling tege Berg aan, in de gemeinte Mestreech. Dees gesjlote boerderie sjtamp oet 1406 en waor ièrtieds ouch 'n lièn van Valkeberg. Ze ies opgetrokke in baksjtein, mergel en sjpeklaoge.