Havránok

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Aopelóchmuseum "Liptovská Mara".

Havránok is 'n wichtige archeologische vinjplaats in 't noorde van Slowakieë. 't Ligk op 'ne häöel bie 't Liptovská Mara, zoeaget 2 km van 't dörpke Bobrovník, halverwaeg Ružomberok en Liptovský Mikuláš inne regio van Liptov. Archeologen höbben op dees plaats 'ne prehistorische Keltische häöel en e middelieëfsj houter kestieël bloeatgelag inne jaore sestig. Tiejes d'n Iezertied ennen tied van 't Romeins Riek woor de Sjrien van Havránok e wichtig religieus centrum vanne Kelten in Slowakieë.

't Kestieël óppe häöel bie Havránok woor e wichtig religieus, economisch en politiek centrum vanne Púchovcultuur (300 v. Chr. - 180 n. Chr.). In daen tied vermingdje de dominante Keltische Cotinistam zich mit ajer völker vanne Lausitzcultuur. 't Waalvarendj oppidum woort same mit anger Keltische naerzèttinge verneeldj róndj 't begin vanna jaortèlling, of door Germaanse stammen of door Daciane.

E middeliëfsj houter kestieël besting inne nae van 't aad häöelkestieël vanne ellefdje toete vieftieëndje ieëf.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Havránok&oldid=419795"