Franz Kafka

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Franz Kafka.

Franz Kafka (IPA: [ˈfranʦ ˈkafka]; Praag, 3 juli 1883Kierling, 3 juni 1924) waas 'nen Duutsjspraokige sjriever dae wuuertj gezeen es eine vanne wichtigste sjrievers vannen twintjigsten ieëf. Zie wirk kreeg veural nao zien doead 'ne groeaten invlood oppe wèsterse litteratuur.

Kafka is veural bekèndj es de sjriever vanne romans Der Prozess en Das Schloss, esouch de novèl Die Verwandlung. Zie wirk ómvatj aevel väöl mieër en liek zich te kènmirke door 'ne nachmerrie-echtigen, ónheilspèllendje sfaer (es kafkaësk bekèndj gewaore) worinne bureaucratie enne ónpersuuenlike maotsjappie ummer mieë greep kriegen op 't individu. Hendrik Marsman ómsjreef deze sfaer es 'n "uters geheimzinnige zakelikheid". Kafka zie oeuvre wuuertj waal gezeen es e symbool veure óntroodje miens inne modernen tied. Sómmige luuj zeen aevel van meining det 't wirk van Kafka juus 'n poeaging is in 'nen ougesjienlike stried mit "hoeager machte" veur 't initiatief trögk te gaeven anen individuele miens, dae oetènjelik zelf zien käöre maak en daoveur verantjwäördelik is.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Franz_Kafka&oldid=434028"