Fever of Life

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Fever of Life live in Zaal8 in Remunj, 3 december 2006

Fever of Life is 'ne coverband oet Mofert. Ze besjtaon sins 2003.

Bezitting[bewirk | brón bewèrke]

De band besjteit oet veer lede:

  • Lynyrd van Riet (zang, basgitaar, gitaar en fluit)
  • Geert Verheijden (gitaar, zang en keyboards)
  • Michel Thomassen (drums en percussie)
  • Joep Leijendeckers (zang en gitaar).

Gesjiedenis[bewirk | brón bewèrke]

Fever of life is begós in de wintjer van 2003 es 'n gruupke det 'n optraeje goof op 'n sjool in Remunj. Kort daonao verangert de band van formasie. Ruud Zeelen vertróg, Tim van Cann koom in zien plaats. Veur de rès bleef de formasie 't zèlvende. De naam van de band waerde Formic Acid (M2). M2 sjtong veur 'Mark 2' det twidde formasie beduud. Later waerde M2 weggelaote. 't Irste echte optraeje woor in de zomer van 2004 en woor unplugged. 't Irste elèktrisch optraeje vonj in Bèrg plaats. 't Lètste optraeje ònger de formasie Formic Acid vonj plaats in Mofert.

In 't veurjaor van 2005 valt de formasie Formic Acid oeterein. In de zomer van 2005 besjloete Geert Verheijden, Lynyrd van Riet, Michel Thomassen en Tim van Cann mit veer man door te gaon. 't Irste optraeje in de nuuj formasie woor in 't hoes van Lynyrd van Riet. Op det memènt woor d'r nog génne naam veur de formasie bedach.

Op 'ne verkansie van Lynyrd van Riet, bezoch hae mit zien familie 'n oorlogsbegraafplaats. Op 'ne graafsjtein sjtong de naam Fever of Life. Deze naam waerde oetèndelik gekaoze es de bandnaam van de nuuje formasie.

Meziek[bewirk | brón bewèrke]

Fever of Life sjpeelt veurnamelik covers maar haet ouch twee eige nömmers gemaak. Die twee leedjes heite "Take me Along" en "Brightest Star". Ze covere leedjes mit name van de Rolling Stones, Deep Purple, Golden Earing en Status Quo. Ze höbbe ouch 'n album gemaak mit vief coverleedjes.

Extern links[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fever_of_Life&oldid=456402"