Evil Superstars

Dit artikel is gesjreve (of begós) in 't Kinders. Laes hie wie v'r mit de versjillende saorte Limburgs ómgaon.

---

Evil Superstars woor 'n Ingelstaolige indie rockgroep oet Heuze-Zolder róndj zenger-gitaris Mauro Pawlowski. 'n Anger prominent lid woor gitaris Tim Vanhamel.

Historie

Evil Superstars weurt in 1992 opgerich deur Mauro Pawlowski. Dees oersprunkelike bezètting besting oet:

• Mauro Pawlowski, zank en gitaar
• Marc Requilé, samples en toetse
• Bart Vandebroek, basgitaar
• Bart Vandeput, slaagwèrk

Ze doon detzelfste jaor nog zónger suksès mèt aan Humo's Rock Rally.

Bart Vandeput weurt vervange deur Johan Vandebergh aan 't slaagwèrk. Bie heur twiede deilname in 1994 winne ze Humo's Rock Rally. Johan Vandebergh weurt op zien beurt vervange deur Dave Schroyen veur de opnaam van 'n ieste EP Hairfacts. Oetèntelik vervoogt Tim Vanhamel de band. Hae is den pas vieftien.

Dees bezètting nimt in 1996 de ieste CD Love is okay op, snel gevolg deur 'n twiede EP Remix apocalyps. In 1997 weurt de twiede CD Boogie Children-R-US opgenome, meh de offesjele release weurt nog 'n jaor oetgesteld deur de platefirma, Paradox. De verkoup blief slech óndanks gooi kritieke. Es den de platefirma A&M London, 't moderhoes van Paradox, ounog euver kop geit, besluit Mauro Pawlowski de band op te höffe.

Evil Superstars gaeve heur leste kónsert op 15 september 1998 in zaal Botanique in Brössel.

Bezètting

• Mauro Pawlowski, zank en gitaar
• Marc Requilé, samples en toetse
• Bart Vandebroek, basgitaar
• Bart Vandeput, Johan Vandebergh, Dave Schroyen, slaagwèrk
• Tim Vanhamel, gitaar

Discografie

CDs

• 1996 : Love is okay
• 1998 : Boogie Children-R-US

EPs

• 1994 : Hairfacts
• 1996 : Remix apocalyps

Singles

• 1996 : Satan is in my ass
• 1996 : Pantomiming with her parents
• 1998 : B.A.B.Y.
• 1998 : Sad sad planet

Soundtracks

• Oh Girl, in Lock, Stock and Two Smoking Barrels (1998) van Guy Ritchie
• Holy Spirit Come Home, in Any Way the Wind Blows (2003) van Tom Barman

Extern linke

• Offesjeel website