Euverlèk:Klimaatopwerming

Klimaotopwerming en/of klimaotveraandering

Iech zeen tot 't artikel klimaotveraandering nog neet besteit. Noe is 't lestege mèt die twie wäörd tot zie in essentie get aanders zien (neet alle door de mins veroorzaakde klimaotveraandering zörg noedzakelekerwies, mer meistes wel, veur opwerming). Evels gief 't ouch 'n veraandering in eus taolgebruuk in de lèste jaore. Tot veur kort sprook me meistes vaan klimaotopwerming, eigelek um 't euver de ganse klimaotcrisis te höbbe, mer is me allewijl veural klimaotveraandering gaon gebruke um dezelfde oontwikkelinge te besjrieve. In 't alledaogse zien de twie dus bekans synoniem, boebij de ein verawwerd is en de aander neet. In de weitesjappeleke zin zien de twie ech get aanders. Zou 't neet beter zien um dit artikel um te zitte in 't artikel klimaotveraandering en dao daan de beneume tot klimaotopwerming 't meis veurkoumend symptoom is vaan klimaotveraandering? Iech vin 't aanders ouch zunt um 'n artikel aon te make veur "klimaotveraandering" wijl dit artikel eigelek al hendeg good is en de basis vaan de ontwikkeling al min of mie good verwäörd. Zeiverklaos (euverlègk) 22 aug 2025 12:08 (CEST)

Ich huuer nag ummer "klimaatopwerming" mieë wie "klimaatverangering" (meis trouwes los es "verangering van 't klimaat" wen m'n 't broek). In prinsiep verwies -opwerming nao de noetiejige verangering en kan -verangering verwieze nao ederskieër inne gesjiechte det det al 'ns gebeurt is.

Mich liek de bèsten oetbinjel det v'r gewuuen "klimaatverangering" es 'ne redirek hiejeroppes aanmake. E gans apaart artikel euver -verangering liek mich inderdaad min zinvol. --OosWesThoesBes (euverlègk) 22 aug 2025 15:19 (CEST)