Euverlèk:Bitsinge

Pagina-inhoud wordt niet ondersteund in andere talen.
Van Wikipedia
(Doorverweze van Euverlèk:Bassenge)

Es de Nederlandse naom Bitsingen is, kump die alzeleve oet 't Limbörgs. Is 't daan neet logisch veur us artikel ouch Bitsinge te neume? Steinbach 9 fib 2011 20:15 (CET)[reageer]

Ich bön 't mit dich èns. --OosWesThoesBes 9 fib 2011 20:25 (CET)[reageer]
In 't Plat zaet me zelfs in Voere Bassenge. Bitsinge is mich gaans vraem.--Mergelsberg 10 fib 2011 00:51 (CET)[reageer]
Meh dee Nederlandse naom höbbe ze toch neet oet de loch geplök... Iech zouw dat gere ins hure vaan eine oet Riems, Kan of Ziche-Zösse-Bolder. Mehjeh, die koume us neet aonwejje. Mesjiens ins nao de plaotseleke heimkundevereineging sjrieve. Es ze die höbbe teminste, want iech gluif neet tot me ziech in B-Limbörg in 't minste veur de eige taol interseert. Steinbach 10 fib 2011 11:31 (CET)[reageer]
Dao wèl iech aon touwveuge tot 't gebeed nog neet zoe laank geleie nog Germaans moot zien gewees. 'n Plaotsnaom wie Wonck klink neet hendeg Waals, en Bassenge eigelek ouch neet (-enge is gewoen 'n verfransing vaan -inge(n), e normaal toponiem in de ganse (Wes-)Germaanse wereld). Steinbach 10 fib 2011 11:35 (CET)[reageer]
Kie hie http://www.wulfila.be/tw/query/?lemma=1064 vör de odste sjrifteleke vermeldinge, oeëmèt 'ch wil zègke dat d'r naam al in 1100 geromaniseerd waor. En dat is ooch de raej vörwat me zelfs in Voere Bassenge zaet. De -inge name zeunt idd tiedens de 2de germanisering oontsjtande (5de-6de ieëw na chr.) Kiek ref van Seegers oonder toponymie. 't Dörp war bies 63 'n zelfs Limburgse gemèngde, mae waoërt daonao Luuks. Ich kèn gèng luuj die dao wónne en weet dus neet wie de plaatsj plaatsjelek in 't Plat geneumd wert en 'ch weet ooch neet of me dao Welsj kalt of neet. --Mergelsberg 11 fib 2011 10:14 (CET)[reageer]
'n Lestige discussie euver Bassenge / Bitsinge en Utrei / Utrecht es oetgangspunt veur 't artikel euver de plaats. Veer ginge eigelik ummer oet van de plaatselik toegepasde naam. bv Remung weurt Remunj umdat ze dat dao zoa zègke. Meh wat dan mèt Bassenge/Bitsinge? Feit ies dat 't plaetske allebei de name gebruuk. Meh wat doon v'r dan mèt Visé (hie zaet nemes Wezet, en wat zègke de luuj in de sjtad zelf?. Wat doon v'r mèt Köln, Aachen, Liège, Paris, Lourdes? Dao höbbe v'r Limburgse oetsjpraoke van: Aoke, Paries, Kölle, Luuk, Lourd enz.. Hie in 't Zuje were väöl de Franse name gebezig: Plombières en neet Blieberig, Tirlemont en neet Tienen; Roclenge-sur-Geer en neet Rukkelinge-aan-de-Jeker enz. enz. Wat doon v'r daomèt? Zoawiezoa doorverwiezinge, meh wat zou 'bèste oetgangspunt zin?--Aelske 11 fib 2011 12:05 (CET)[reageer]
Wmb ummer de Limbörgse naom, es die besteit. In eur bovestoonde veurbeelde tèlt 'Lourd' trouwes neet mèt, dat is gewoen de gooj oetspraok (-es sprikste in 't Frans jummers toch neet oet). Zègk d'r ech Tirlemont? Dat vin iech beangstegend: Tiene ligk in Vlaandere, g'r ziet toch gein 'franskiljons'? Dao kóm iech trouwes bij 'n aander punt: jao, de naom is al vreug geromaniseerd, meh dat gelt ouch veur plaotse bove de taolgrens, wie Tienen (Tirlemont), Zoutleeuw (Léau), Tóngere (Tongres), Loeën (Looz, klink m'ch debiel in de oere trouwes), meh 't zouw toch oonzin zien veur die naome te gebruke?
Wijer: Bitsinge/Bassenge is veur zoewied iech kin naogoon idd al sinds jaor en daag Waalstaoleg. 't Is ouch gein faciliteitegemeinte. Veur Wezet/Visé gelt 'tzelfde. Iech rappeleer miech dezelfde discussie wie dees euver die lèste plaots. Mergelsberg meinde toen tot me in Voere Wezet zag umtot die plaots in Vlaandere ligk en Wezet in Vlaandere gebrukelek is. Nein, 't is aandersum! De Nederlandse naom veur welke plaots daan ouch weurt neet oet de loch geplok (oetzunderinge daogelaote, meh daan höb iech 't euver oonzin wie Karelskoning veur Charleroi, neet euver serieus kwesties wie dees), die kump oet de dialekte vaan plaotse oet de buurt! De Nederlandse naom is Wezet umtot ze dat dao in de buurt al iewe zègke, neet umtot eine of aandere amteneer dat ins achter zie bureau heet zitte bedinke ("kom, laot iech ins get lètters verandere en 'n -t draon plekke"). Zoe is 't ouch mèt (Börg-)Wörm en Bitsinge. Kort in de buurt, in de aonligkende plaotse in Belsj Limburg, mote ze dat ummer höbbe gezag en zègke ze 't zeker nog wel. Voere ligk daan weer get wijer, entans in relatieven aofstand (wie dèks mooste in Bitsinge zien este in Voere woens?). Daorum: de Nederlandse naom is ouch de Limbörgse naom veur die plaotse.
Veur alle zekerheid: dit geit neet op bij alle Franstaolege plaotse die 'ne Nederlandse naom höbbe. Rijsel veur Lille beveurbeeld baseert ziech op 't Oos- en Wes-Vlaams, neet op 't Limbörgs, en is daorum gei typisch Limbörgs exoniem. De keus veur deen artikelnaom hingk aof vaan de veurkäör vaan deginnege dee 't artikel sjrijf (en dat zal wel aofhaange vaan of 't 'ne Nederlander of 'ne Vlaoming is). Steinbach 11 fib 2011 12:31 (CET)[reageer]
Ho,ho, wach ff Steinbach:Mergelsberg meinde toen tot me in Voere Wezet zag umtot die plaots in Vlaandere ligk en Wezet in Vlaandere gebrukelek is. Dàt han 'ch ech noeëts bewaerd! In Moeling zègke ow luuj saer jaor en daag ooch, naeve Vizè, Waezet en in Voere (SGV dörp) zègke die ooch Waezent es ze plat kalle! En dat waor al zoe vör dat Voere bie Limburg kieëm en haat dao dus niks mèt te make. In Vlaandere wert Visé nog ömmer mieë gebroekd wie Wezet. Kiek bv hie 'n recent artikel oet d'r Knack!--Mergelsberg 11 fib 2011 13:49 (CET)[reageer]
En 't gebroek van Tierlemont is idd in Norbik en ömgaeving, ooch Voere (gemèngde) owwer wie Tienen es me Plat kalt! --Mergelsberg 11 fib 2011 13:51 (CET)[reageer]

Conclusie[brón bewèrke]

Mit 't oug op Gerstekaove, Aobel etc. stèl ich veur det v'r dees plaats den ouch meh verplaatse. --OosWesThoesBes (euverlègk) 27 jul 2014 11:29 (CEST)[reageer]

Ich wil ouch dit nag mer 'ns benaodrökke. Dees plaats is van oearsprónk 'n Dietstalige (Limbörgstalige) plaatsnaam; de naam Bitsinge is dus d'n Dietse naam. Veur de dudelikheid:
  1. Fr.wp - En 1963, à la suite du comptage des langues indiquant qu'une majorité de la population était devenue francophone, le village de Bassenge a été transféré à la province de Liège.
  2. Johan Winkler Algemeen Nederduitsch en Friesch Dialecticon deel 2. p. 234: De dorpen Bitsingen (in 't fransch: Bassenge), Korswarem, Eben, Emaal, Herstappe, Ter Naaien of Ternayen (fransch: Lanaye), Wouteringen (fr. Otrange), Rukkelingen (fr. Roclenge-sur-Geer) en Wonk, die allen in zuidelijk Limburg op de grenzen van Luikerland liggen, behooren tegenwoordig niet meer tot het nederduitsche taalgebied. Ze zijn volkomen waalsch geworden; fransch wordt er als moedertaal op de scholen onderwezen. Toch waren ze oudtijds zuiver nederduitsch, even als de geheele Haspengou (zuidelijk. Limburg) oorspronkelijk nederduitsch is. De oorspronkelijke, nederduitsche namen dezer dorpen bewijzen het ten duidelijkste, indien men 't ook anders al niet wist.
Wiejer zeen ich det op Belzje websites praktisch allein "Bitsingen" wuuertj gebroek. --OosWesThoesBes (euverlègk) 5 jul 2017 21:18 (CEST)[reageer]

Zelfs al waor 't ummer al Franstaoleg gewees, daan nog heet dit dörp gewoen 'ne Limbörgse naom en op de Limbörgse Wikipedia heet me dee te gebruke. (Tösse twie häökskes: iech zouw diech 't gebruuk vaan 't woord 'Diets' aofraoje, dao zitte wel hiel väöl bedinkeleke connotaties aon.) Steinbach Maak de wereld sjoender, besjrijf häöm op Wikipedia! 5 jul 2017 23:04 (CEST)[reageer]

Dao höbs se geliek in. 't Blief aevel waal d'n historisch drekken taengenhenger van Waals. Wersjienlik zeen de plaatse wied veurdet 't echte Frans op 't plattelandj woor doorgedróngen al Waalstalig gewaore. En den dus vanoet 't Zuudnederfrankisch en neet 't Nederlandjs. --OosWesThoesBes (euverlègk) 6 jul 2017 11:49 (CEST)[reageer]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Bitsinge&oldid=419176"