Euthanasie
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Euthanasie (vaan Aajdgrieks εὖ eu 'good' en θάνατος thanatos 'doed') is 't beïndege vaan 'nen aander zie leve um leid en/of pien te stoppe. Dèks weurt impliciet verstande tot dit op verzeuk vaan de betrokkene gebäört.
Vaanajds woort 't neet good gevoonde um 'ne kraankde zie leve te beïndege es 'r daorum vroog. D'n Eid vaan Hippocrates verbeujt dat beveurbeeld expliciet. Ouch groete relizjies waore dao dèks hel op tege; in theologisch opziech weurt euthanasie gewoen es maord gezeen. Aandere höbben 't es zelfmaord umsjreve. In totalitair rezjiems, gans in 't bezunder nazi-Duitsland, woort euthanasie es eufemisme gebruuk veur 't vermaorde vaan liefelek of geiselek gehandicapde.
Pas rillatief recint is in de ethiek e serjeus debat oonstande op me, wienie de kraankde dat zelf wèlt, iemes zie leve maag beïndege. Nog later kaom 't politiek debat hei-euver op gaank. Zwitserland waor al in 1941 't ierste land wat euthanasie legaliseerde (in de vörm vaan 'hölp bij zelfmaord'). Nederland en 't Belsj volgde in 2002; de inveuring devaan waor hei 't gevolg vaan neet-confessioneel regeringe (d.w.z. in de jaore daoveur had ummer 'n christeleke partij dit tegegehawwe). In dees bei len kin me intösse ouch euthanasie oontvaange bij psychisch leid (depressie etc.).
Dit artikel is e sjtumpke. De kans Wikipedia helpe door 't aan te völle