Eslenjers

Van Wikipedia
(Doorverweze van Eslanders)
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


De Eslenjers of Este (Eslandjs: eestlased) is e Finoegrisch volk det oet Eslandj kump; de modertaal van de Eslenjers is 't Estisch of Eslandjs.

De Eslenjers make zoget 69% oet van de bevolking van häör thoeslandj Eslandj. Naeve de Eslenjers geuf 't nag e deil minderhede, wie de Rósse (25%), de Oekraïners (1,7%) en de Witrósse (0,9%); de historische minderheje van Balteduitsers en Eslandjse Zjwede zeen nao d'n Tweede Waereldoorlog gooddeils verdreve of verhoes nao 't boetelandj. Eslenjers vörme zelf nag 'n klein minderheid in Finlandj en Zjwede.

Waereldwied geuf 't zoget 1 miljoen Eslenjers, wovan 900.000 in Eslandj, 50.000 in Finlandj, 25.500 in Zjwede, 25.000 in de Vereinigde Sjtaote en tösse de 23.000 en 50.000 in Canada. Wiejer geuf 't nag kleinder minderheje in Róslandj (17.000), 't Vereinig Keuninkriek (14.000) en Frankriek (12.500).

In taengesjtèlling toet de anger etnische groepe van de Baltische lenjer, de Letlenjers en de Litouwers, beheure de Eslenjers neet toet 't Baltisch volk, ze sjpraeke dan ouch gein verwantje tale. Same mit de Finne en de Hóngare zeen de Eslenjers e Finoegrisch volk. De Eslenjers zeen historisch lutheraans; de Róssische minderheid oosters-orthodox; taengeweurdig zeen zie aevel veur óngeluivig of neet aangesjlaote bie 'n kèrkelik insjtituut.

Bekinde Eslenjers[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eslenjers&oldid=436246"