E-mailclient

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


'nen E-mailclient, ouch wel mail user agent (MUA) genump, is 'n computer programma dat weurt gebruuk um e-mail mèt te leze, te sjrieve en te versjikke.

Um e-mail te versjikke weurt het e-mail beriech versjik nao d'n MTA, dee het beriech wijer sjik nao de geadresseerde. 't Protokol wat gebruuk weurt veur 't versjikke hèt Simple Mail Transfer Protocol (SMTP).

Um e-mail op te hole vaan de mailserver weurt gebruuk gemaak vaan versjèllende protokolle. POP3 weurt gebruuk um d'n e-mail vaan de server aof te hole, terwijl Internet Message Access Protocol (IMAP) of IMAP4 gebruuk weurt um 'n kopie vaan d'n e-mail op te hole, boebij 't origineel op de server blijf stoon.

Daoneve höbste ouch nog webmail. Hij kinste mèt 'ne browser e-mail versjikke. Eigelek is dit niks aanders es 'ne webserver dee d'n e-mail weer doorsjik nao 'ne MTA.

'ne Belaankrieke standaard dee de mieste e-mail clients ondersteune is MIME, dee gebruuk weurt veur 't versjikke vaan binaire e-mail attachments. Attachments zien bestande die gein oonderdeil vaan d'n e-mail zien, meh versjik weure same mèt d'n e-mail.

Messaging Application Programming Interface (MAPI) is 'ne application programming interface (API) vaan Microsoft dee gebruuk weurt um 'ne Microsoft Exchange e-mail server te benadere en weurt beveurbeeld gebruuk door de Microsoft Outlook e-mail client.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=E-mailclient&oldid=415207"